മക്കയിലെ മലനിരകളില്‍ അഗ്നിബാധ: ആളപായമില്ല
തീ പടര്‍ന്നതോടെ പ്രദേശത്തെ കൃഷിസ്ഥലങ്ങള്‍ക്കും കേടുപാടുകള്‍ സംഭവിച്ചു.
മക്ക: വിശുദ്ധ നഗരമായ മക്കയിലെ മലനിരകളില്‍ അഗ്നിബാധ. താഇഫ് ഗവര്‍ണറേറ്റിലെ അമാദ് മലനിരകളിലാണ് തീപിടുത്തമുണ്ടായത്. മരങ്ങളുള്‍പ്പെടെ കത്തിനശിച്ചു. താഇഫില്‍ നിന്നെത്തിയ ഡിഫന്‍സ് സംഘം തീയണച്ചു.അഗ്നിബാധയുടെ ദൃശ്യങ്ങള്‍ മക്ക റീജിയണല്‍ അതോറിറ്റി പിന്നീട് ട്വീറ്റ് ചെയ്തു.
തീ പടര്‍ന്നതോടെ പ്രദേശത്തെ കൃഷിസ്ഥലങ്ങള്‍ക്കും കേടുപാടുകള്‍ സംഭവിച്ചു. ഹെലികോപ്റ്ററുകള്‍ ഉള്‍പ്പെടെ എത്തിച്ചാണ് ഡിഫന്‍സ് അംഗങ്ങള്‍ തീയണച്ചത്. മക്ക മലനിരകളുടെ ഭൂപ്രകൃതിയും കാലാവസ്ഥയുമാണ് വളരെ വേഗതത്തില്‍ തീ പടര്‍ന്നുപിടിക്കാന്‍ കാരണമായതെന്നാണ് അധികൃതര്‍ പറയുന്നത്. അഗ്നിബാധക്കൊപ്പം ശക്തമായ കാറ്റു കൂടി വീശയതോടെ തീ കൂടുതല്‍ പ്രദേശങ്ങളിലേക്ക് വ്യാപിക്കുകയായിരുന്നു.