സംസ്ഥാന സര്‍ക്കാര്‍ മുന്നോക്ക വിഭാഗ പട്ടിക പ്രസിദ്ധീകരിച്ചു; പട്ടികയില്‍ 166 വിഭാഗങ്ങള്‍
തിരുവനന്തപുരം: സംസ്ഥാന സര്‍ക്കാര്‍ മുന്നാക്ക വിഭാഗ പട്ടിക പ്രസിദ്ധീകരിച്ചു. 166 വിഭാഗങ്ങളെയാണ് ആനുകൂല്യം ലഭിക്കുന്നവരുടെ പട്ടികയില്‍ ഉള്‍പ്പെടുത്തിയിരിക്കുന്നത്. ഹൈക്കോടതി മുന്നാക്ക വിഭാഗത്തിലെ സാമ്പത്തികമായി പിന്നാക്കം നില്‍ക്കുന്നവരുടെ പട്ടിക പ്രസിദ്ധീകരിക്കണമെന്ന് നിര്‍ദ്ദേശിച്ചിരുന്നു. ഈ പശ്ചാത്തലത്തിലാണ് സര്‍ക്കാര്‍ ഇപ്പോള്‍ പട്ടിക പ്രസിദ്ധീകരിച്ചിരിക്കുന്നത്.
പട്ടിക പ്രസിദ്ധീകരിക്കാത്തതിനെ കഴിഞ്ഞ ദിവസം എന്‍എസ്എസ് വിമര്‍ശിച്ചിരുന്നു. ചീഫ് സെക്രട്ടറിക്ക് കോടതിയലക്ഷ്യ നോട്ടീസും എന്‍എസ് എസ് അയച്ചിരുന്നു.