മുംബൈക്കെതിരേ അഞ്ച് വിക്കറ്റ് ; ആദ്യതാരമായി ഹര്‍ഷല്‍ പട്ടേല്‍
30കാരനായ ഹര്‍ഷല്‍ ഹരിയാന രഞ്ജി ടീം ക്യാപ്റ്റനാണ്.
ചെന്നൈ; ഇന്ത്യന്‍ പ്രീമിയര്‍ ലീഗില്‍ ഏറ്റവും കൂടുതല്‍ കിരീടം നേടിയ ശക്തരായ മുംബൈ ഇന്ത്യന്‍സിനെ ഉദ്ഘാടനമല്‍സരത്തില്‍ പിടിച്ചുകെട്ടിയ ആര്‍സിബി ബൗളര്‍ ഹര്‍ഷല്‍ പട്ടേല്‍ ഇന്ന് അപൂര്‍വ്വ റെക്കോഡിനും ഉടമയായി. മുംബൈക്കെതിരേ ഐപിഎല്‍ ചരിത്രത്തില്‍ അഞ്ച് വിക്കറ്റ് നേടുന്ന ആദ്യ താരമെന്ന റെക്കോഡാണ് ഈ ഹരിയാനക്കാരന്‍ നേടിയത്. കരുത്തരായ മുംബൈ ബാറ്റിങ് നിരയിലെ അഞ്ച് പേരെയാണ് താരം പുറത്താക്കിയത്. നാല് ഓവറില്‍ 27 റണ്‍സ് വിട്ടുകൊടുത്താണ് ഹര്‍ഷല്‍ അഞ്ച് വിക്കറ്റ് നേടിയത്. ജാന്‍സെന്‍(0), ക്രുനാല്‍ പാണ്ഡെ(7), പൊള്ളാര്‍ഡ് (7), ഹാര്‍ദ്ദിക്ക് പാണ്ഡെ(13), ഇഷാന്‍ എന്നിവരുടെ വിക്കറ്റുകളാണ് ഓള്‍ റൗണ്ടര്‍ കൂടിയായ ഹര്‍ഷല്‍ പട്ടേല്‍ നേടിയത്. 30കാരനായ ഹര്‍ഷല്‍ ഹരിയാന രഞ്ജി ടീം ക്യാപ്റ്റനാണ്.