മലപ്പുറം: നിയസഭാ തിരഞ്ഞെടുപ്പ് അട്ടിമറിക്കാന്‍ ബിജെപി നടത്തിയ കുഴല്‍പണ ഇടപാടില്‍ കെ സുരേന്ദ്രന്റെ പങ്ക് വ്യക്തമായിരിക്കെ അദ്ദേഹത്തെ ഉടന്‍ അറസ്റ്റ് ചെയ്യണമെന്ന് ആവശ്യപ്പെട്ട് നാഷണല്‍ യൂത്ത് ലീഗ് ജില്ലാ ഭാരവാഹികള്‍ മലപ്പുറത്ത് നില്‍പ്പുസമരം നടത്തി. മഞ്ചേശ്വരത്തും ബത്തേരിയിലും സ്ഥാനാര്‍ഥികള്‍ക്ക് ലക്ഷങ്ങള്‍ കൈമാറിയത് പുറത്ത് വന്നതോടെ കേരളത്തിലുടനീളം ഇത്തരം കള്ളപ്പണം ഒഴുക്കിയിട്ടുണ്ടെന്ന് വ്യക്തമാണ്.
സമരം സംസ്ഥാന പ്രസിഡന്റ് അഡ്വക്കറ്റ് ഷമീര്‍ പയ്യനങ്ങാടി ഉത്ഘാടനം ചെയ്തു. നൗഫല്‍ തടത്തില്‍, മുജീബ് പുള്ളാട്ട്, ഉനൈസ് തങ്ങള്‍, സി കെ മജീദ്, ഷൈജല്‍ വലിയാട്ട് എന്നിവര്‍ പങ്കാളികളായി.