പാലക്കാട്: കാടാംകോട് ഫ്‌ളാറ്റില്‍ നിന്ന് ചാടി വീട്ടമ്മ ജീവനൊടുക്കി. നെന്‍മാറ സ്വദേശി സുനിത (54) ആണ് മരിച്ചത്. വ്യാഴാഴ്ച പുലര്‍ച്ചെ 4.05 ഓടെയാണ് സംഭവം. ഫ്‌ളാറ്റിന്റെ മുകളില്‍നിന്നും സുനിത താഴേക്ക് ചാടുകയായിരുന്നുവെന്ന് ഫ്‌ളാറ്റ് നിവാസികള്‍ പറഞ്ഞു.
ജീവനൊടുക്കിയതാണെന്നാണ് പോലിസിന്റെ പ്രാഥമിക നിഗമനം. സംഭവം നടന്ന സമയം സുനിതയുടെ മകള്‍ മാത്രമാണ് ഫ്‌ളാറ്റിലുണ്ടായിരുന്നത്. വീട്ടമ്മ നിലത്തുവീഴുന്നതിന്റെ സിസിടിവി ദൃശ്യങ്ങളും ലഭ്യമായിട്ടുണ്ട്. സംഭവത്തില്‍ വിശദമായ അന്വേഷണം ആരംഭിച്ചിട്ടുണ്ട്. മകളുടെ മൊഴി രേഖപ്പെടുത്തുമെന്ന് പോലിസ് അറിയിച്ചു.