കോഴിക്കോട്: ആത്മീയരാഷ്ട്രീയ രംഗത്തെ സൗമ്യനും ശാന്തശീലനുമായ വ്യക്തിത്വവുമായിരുന്ന പാണക്കാട് ഹൈദരലി ശിഹാബ് തങ്ങളെന്ന് പിഡിപി കേന്ദ്ര കമ്മിറ്റി അനുശോചന കുറിപ്പില്‍ പറഞ്ഞു. അദ്ദേഹത്തിന്റെ വേര്‍പാടില്‍ കമ്മിറ്റി ആത്മാര്‍ത്ഥമായ ദുഖവും ഹൃദയവേദനയും അറിയിച്ചു.
വിവിധ മതവിഭാഗങ്ങള്‍ക്കിടയില്‍ സ്‌നേഹവും സൗഹൃദവും സൃഷ്ടിക്കുന്നതിന് സാമൂഹിക ഇടപെടലുകള്‍ നടത്തിയ ശ്രദ്ധേയമായ വ്യക്തിത്വമായിരിന്നു. നിലപാടുകളില്‍ കൃത്യതയും കാര്‍കശ്യവും പുലര്‍ത്തുകയും പ്രതിസന്ധിഘട്ടങ്ങളില്‍ തന്റെ രാഷ്ട്രീയപ്രസ്ഥാനത്തെ പുഞ്ചിരിയോടെ നയിക്കുകയും ചെയ്തിരുന്ന ആദരണീയനായ ഹൈദരലി തങ്ങളുടെ സാമൂഹ്യജീവിതം കേരള രാഷ്ട്രീയ ചരിത്രത്തില്‍ ശ്രദ്ധേയമായി അടയാളപ്പെടുത്തുമെന്ന് പി ഡി പി സംസ്ഥാന ജനറല്‍ സെക്രട്ടറി മുഹമ്മദ് റജീബ് അനുശോചന സന്ദേശത്തില്‍ പറഞ്ഞു.