ഗസ: ആറ് ഫലസ്തീനിയൻ തടവുകാരെ ഇസ്രായേൽ സൈന്യം വിട്ടയച്ചു. കരീം അബൂ സലേം അതിർത്തിയിലൂടെയാണ് ഇവരെ അയച്ചതെന്ന് ഫലസ്തീൻ വൃത്തങ്ങൾ വെളിപ്പെടുത്തി. റഫ, ഗസ സിറ്റി, ജബലിയ അഭയാർഥി ക്യാംപ്, ബെയ്ത് ഹാനൂൻ എന്നിവിടങ്ങളിൽ നിന്നുള്ള തടവുകാരാണ് വിട്ടയക്കപ്പെട്ടത്.
മാനസികവും ശാരീരികവുമായ പീഡനങ്ങൾക്ക് തടവുകാർ ദിവസവും ഇരയാവാറുണ്ടെന്ന് വിട്ടയക്കപ്പെട്ടവർ പറഞ്ഞു. ഭയാനകവും നിന്ദ്യവുമായ ദുരിതങ്ങളാണ് ഇസ്രായേലി തടവറകളിൽ തടവുകാർ നേരിടേണ്ടി വരുന്നതെന്നും അവർ പറഞ്ഞു.