മണ്ണാര്‍ക്കാട് വന്‍ സ്‌ഫോടക ശേഖര വേട്ട: 5 കോടി രൂപയുടെ ജലാറ്റിന്‍ സ്റ്റിക്കുകള്‍ പിടികൂടി
ലോറിയിലുണ്ടായിരുന്ന തമിഴ്‌നാട് സേലം സ്വദേശികളായ ഇലവരശന്‍,ശരവണന്‍ എന്നിവരെയാണ് അറസ്റ്റ് ചെയ്തത്
പാലക്കാട്: മണ്ണാര്‍ക്കാട് വന്‍ സ്‌ഫോടക വസ്തു വേട്ട. 5 കോടി രൂപയുടെ ജലാറ്റിന്‍ സ്റ്റിക്കുകള്‍ എക്‌സൈസ് സംഘം പിടികൂടി. രഹസ്യവിവരത്തെ തുടര്‍ന്ന് എക്‌സൈസ് നടത്തിയ മിന്നല്‍ പരിശോധനയിലാണ് പച്ചക്കറിയാണെന്ന വ്യാജേന ചരക്കുലോറിയില്‍ കടത്തുകയായിരുന്ന സ്‌ഫോടക വസ്തുക്കള്‍ നൊട്ടമലയില്‍ നിന്നും എക്‌സൈസ് സംഘം പിടികൂടിയത്. രണ്ട് പേര്‍ അറസ്റ്റിലായി. ലോറിയിലുണ്ടായിരുന്ന തമിഴ്‌നാട് സേലം സ്വദേശികളായ ഇലവരശന്‍,ശരവണന്‍ എന്നിവരെയാണ് അറസ്റ്റ് ചെയ്തത്.
വാളയാറില്‍ നിന്നും തുടങ്ങിയ പരിശോധനയായിരുന്നെന്ന് എക്‌സൈസ് സംഘം പറഞ്ഞു. ചരക്കു ലോറിയില്‍ പച്ചക്കറി ചാക്കുകള്‍ക്ക് നടുവില്‍ 25 കിലോ വരുന്ന 150 ഓളം പാക്കറ്റുകളായാണ് ജലാറ്റിന്‍ സിറ്റിക്കുകള്‍ ഒളിപ്പിച്ചു കടത്താന്‍ ശ്രമിച്ചത്.