കോട്ടയം: തീക്കോയി മാവടി കട്ടൂപ്പാറയില്‍ ഗൃഹനാഥന്‍ മിന്നലേറ്റ് മരിച്ചു. ഇളംതുരുത്തിയില്‍ (പാമ്പാടിക്കുന്നേല്‍) എ എല്‍ മാത്യു (69) ആണ് മരിച്ചത്. വ്യാഴാഴ്ച വൈകീട്ട് നാല് മണിയോടെ വീടിനുള്ളിലെ കട്ടിലില്‍ കിടക്കുമ്പോഴാണ് മാത്യുവിന് മിന്നലേറ്റത്. ഈ സമയം ഇളയ മകന്‍ ടോമിയും വീട്ടിലുണ്ടായിരുന്നെങ്കിലും പരിക്കുകളില്ലാതെ രക്ഷപ്പെട്ടു.
വീടിന്റെ ഭിത്തിക്കും കേടുപാട് സംഭവിച്ചു. പ്രദേശത്ത് ശക്തമായ മഴയുമുണ്ടായിരുന്നു. ആശുപത്രിയിലെത്തിച്ചെങ്കിലും രക്ഷിക്കാനായില്ല. ഭാര്യ: മേരി മാത്യു- പെരിങ്ങുളം നടുത്തൊട്ടിയില്‍ (കടപ്രയില്‍) കുടുംബാംഗം. മക്കള്‍: ബോബി, സോബി, ടോബി. മരുമക്കള്‍: മിനി, രൂപ. മൃതദേഹം പാലാ ജനറല്‍ ആശുപത്രിയില്‍.