കോഴിക്കോട്: പ്രവാസികള്‍ക്ക് മാത്രമായുള്ള കൊവിഡ് പ്രതിരോധ മെഗാ വാക്‌സിനേഷന്‍ ക്യാംപിന് കോഴിക്കോട് ടാഗോര്‍ സെന്റിനറി ഹാളില്‍ തുടക്കമായി. ആദ്യ ദിനം 380 പേര്‍ക്ക് കൊവിഡ് പ്രതിരോധ വാക്‌സിനേഷന്‍ നല്‍കി . ഓണ്‍ലൈനായി രജിസ്റ്റര്‍ ചെയ്ത പ്രവാസികള്‍ക്കാണ് ക്യാംപില്‍ വാക്‌സിനേഷന്‍ ലഭിക്കുക. ജില്ലാ ഭരണകൂടം, ആരോഗ്യ വകുപ്പ്, ദേശീയ ആരോഗ്യ ദൗത്യം, കോഴിക്കോട് കോര്‍പറേഷന്‍ എന്നിവ സംയുക്തമായാണ് മെഗാ വാക്‌സിനേഷന്‍ ക്യാംപ് സംഘടിപ്പിക്കുന്നത്. ക്യാംപ് ജൂണ്‍ 11ന് അവസാനിക്കും.