എടക്കര: മസ്ജിദുകളിലെ സാഹചര്യവും ഇമാമുമാരുടെ യോഗ്യതയുമനുസരിച്ച് മസ്ജിദുകള്‍ വിവിധോദ്ദേശ്യ കേന്ദ്രങ്ങളായി പ്രവര്‍ത്തിക്കുമെന്നും ആരാധനകള്‍ തനതു രൂപത്തില്‍ നില നിര്‍ത്തുന്നതില്‍ സമൂഹം ശ്രദ്ധ പുലര്‍ത്തണമെന്നും അതുവഴി സാമൂഹിക നവോത്ഥാന കേന്ദ്രങ്ങളായി പ്രവര്‍ത്തിക്കണമെന്നും കേരള സംസ്ഥാന ജംഇയ്യത്തുല്‍ ഉലമാ ജനറല്‍ സെക്രട്ടറി എ നജീബ് മൗലവി അഭിപ്രായപ്പെട്ടു.
ജംഇയ്യത്തുല്‍ ഉലമയ്ക്കു കീഴ്ഘടകമായി പ്രവര്‍ത്തിക്കുന്ന എസ് വൈ എഫിന്റെ മേഖലാ കേന്ദ്രമായി എടക്കരയില്‍ താജുല്‍ ഉലമാ ഇസ് ലാമിക് സെന്റര്‍ ഉദ്ഘാടനം ചെയ്യുകയായിരുന്നു അദ്ദേഹം. സെന്ററിന് കീഴില്‍ വിദ്യാഭ്യാസ കരിക്കുലം, ദാഇറത്തു തസ്‌കിയ്യ:, ഹെല്‍ത്ത് സര്‍ക്കിള്‍, പാരിസ്ഥിതിക പഠനം, തജ്ഹീസ്, നസ്‌റുല്‍ അറാമില്‍, കരിയര്‍ ഗൈഡന്‍സ്, ആംബുലന്‍സ്, തജ്ദീദിയ്യ തുടര്‍ പഠനം, വിവിധ റിലീഫ് പദ്ധതികള്‍ നടക്കും. സെന്റര്‍ പ്രസിഡന്റ് എ പി സാദിഖലി അധ്യക്ഷത വഹിച്ചു. എസ് വൈ എഫ് സംസ്ഥാന ജനറല്‍ സെക്രട്ടറി ഇ പി അശ്‌റഫ് ബാഖവി, എ എന്‍ സിറാജുദ്ദീന്‍ മൗലവി, സി ടി മുഹമ്മദ് മൗലവി, മരുത അബ്ദുല്‍ ലത്തീഫ് മൗലവി, പി ടി മുഹമ്മദ് അശ്‌റഫ് വഹബി, കെ എം ശംസുദ്ധീന്‍ മൗലവി, സി ഹംസ വഹബി സംസാരിച്ചു.
Mosques are centers of social renaissance: A. Najeeb Moulavi