ജിദ്ദ: മലപ്പുറം പുകയൂര്‍ വലിയപറമ്പ് സ്വദേശിയും ഇപ്പോള്‍ കോഴിക്കോട് മാത്തോട്ടത്ത് താമസക്കാരനുമായ മുസ്തഫ കാട്ടീരി (ടേസ് റ്റി- 52) ഹൃദയാഘാതത്തെ തുടര്‍ന്ന് മരിച്ചു. 34 വര്‍ഷമായി പ്രവാസ ജീവിതം നയിക്കുന്ന മുസ്തഫ ജിദ്ദയിലെ സാമൂഹിക കലാരംഗത്ത് സജീവമായിരുന്നു. ജിദ്ദ മൈത്രി കൂട്ടായ്മയുടെ സജീവപ്രവര്‍ത്തകന്‍ കൂടിയാണ്.
ഭാര്യമാര്‍: സക്കീന, മൈമൂന. മക്കള്‍: നിയാസ്, നിസാര്‍, നിഹാല, മാസിന്‍. പിതാവ് പരേതരായ മൊയ്ദീന്‍ ഹാജി. മാതാവ്: ഫാത്തിമ. ഇപ്പോള്‍ ജിദ്ദ കിങ് അബ്ദുല്‍ അസീസ് യൂനിവേഴ്‌സിറ്റി ഹോസ്പിറ്റല്‍ മോര്‍ച്ചറിയില്‍ സൂക്ഷിച്ചിരിക്കുന്ന മൃതദേഹം നിയമനടപടികള്‍ പൂര്‍ത്തിയാക്കി ജിദ്ദയില്‍ മറവ് ചെയ്യുമെന്ന് ബന്ധപ്പെട്ടവര്‍ അറിയിച്ചു.