മാനന്തവാടി: കമ്മന കരിന്തിരിക്കടവ് പാലത്തില്‍ നിന്നും പുഴയില്‍ ചാടിയ ആളുടെ മൃതദേഹം കണ്ടെത്തി. പെരുവക പൂവ്വത്തും മൂട്ടില്‍ കുട്ടപ്പന്‍ എന്ന വര്‍ഗീസ് (73) ന്റെ മൃതദേഹമാണ് വള്ളിയൂര്‍ക്കാവ് താന്നിക്കല്‍ പരിസരത്ത് നിന്നും കണ്ടെത്തിയത്.
രണ്ടു ദിവസം മുമ്പാണ് വര്‍ഗ്ഗീസ് പുഴയില്‍ ചാടിയത്. ചാടിയ വ്യക്തിയാരാണെന്ന് ആര്‍ക്കും വ്യക്തമായിരുന്നില്ല. എന്നാല്‍, വര്‍ഗ്ഗീസിനെ കാണ്മാനില്ലെന്ന് കാണിച്ച് പിന്നീട് ബന്ധുക്കള്‍ പോലിസില്‍ പരാതി നല്‍കിയിരുന്നു. വെള്ളമുണ്ട ഉപ്പം നട സ്വദേശിയായ കുട്ടപ്പന്‍ അടുത്ത കാലത്താണ് പെരുവകയിലേക്കു താമസം മാറിയത്. ഭാര്യയും രണ്ടു മക്കളുമുണ്ട്.