ന്യൂഡല്‍ഹി: പെഗാസസ് ഫോണ്‍ ചോര്‍ത്തലില്‍ അന്വേഷണമാവശ്യപ്പെട്ട് സുപ്രിംകോടതിയില്‍ ജോണ്‍ ബ്രിട്ടാസ് എം പി ഹരജി നല്‍കി. കോടതി മേല്‍നോട്ടത്തില്‍ പ്രത്യേക സംഘം അന്വേഷിക്കണമെന്നാവശ്യപ്പെട്ടാണ് ഹരജി. കേന്ദ്രസര്‍ക്കാര്‍ പാര്‍ലമെന്റില്‍ നല്‍കിയ വിശദീകരണത്തില്‍ ഫോണ്‍ ചോര്‍ത്തല്‍ നിഷേധിച്ചിട്ടില്ലെന്ന് ജോണ്‍ ബ്രിട്ടാസിന്റെ ഹര്‍ജിയില്‍ പറയുന്നു. ആരോപണങ്ങള്‍ കേന്ദ്രം സമ്മതിച്ചിട്ടുമില്ല. ഒഴിഞ്ഞുമാറുന്ന മട്ടിലുള്ള വിശദീകരണമാണ് കേന്ദ്രസര്‍ക്കാര്‍ പാര്‍ലമെന്റില്‍ നടത്തിയത്.
ഗൗരവമുള്ള ആരോപണമായിട്ടും അന്വേഷണത്തിന് കേന്ദ്രസര്‍ക്കാര്‍ താത്പര്യം കാണിക്കുന്നില്ലെന്നും ആരോപിച്ചു. സമാന ആവശ്യമുന്നയിച്ച് നേരത്തെ അഭിഭാഷകനായ എം എല്‍ ശര്‍മ ഹരജി സമര്‍പ്പിച്ചിരുന്നു.