മതവിദ്വേഷത്തിലൂടെ കലാപാഹ്വാനം: പി സി ജോര്‍ജിനെതിരേ പോപുലര്‍ഫ്രണ്ട് പരാതി നല്‍കി
പത്തനംതിട്ട: അനന്തപുരി ഹിന്ദുമഹാ സമ്മേളനത്തില്‍ മതവിദ്വേഷത്തിലൂടെ കലാപാഹ്വാനം നടത്തിയ സംഭവത്തില്‍ പിസി ജോര്‍ജിനെതിരെ പോപുലര്‍ ഫ്രണ്ട് പത്തനംതിട്ട ഡിവൈഎസ്പിക്ക് പരാതി നല്‍കി. ജില്ലാ സെക്രട്ടറി സാദിഖ് അഹമ്മദാണ് പരാതി നല്‍കിയത്. സമ്മേളനത്തില്‍ പി സി ജോര്‍ജ് നടത്തിയ പ്രസംഗത്തിനെതിരേ വ്യാപകമായ പ്രതിഷേധമാണ് ഉയര്‍ന്നിട്ടുള്ളത്.
ഹിന്ദു പരിഷത്ത് തിരുവനന്തപുരത്ത് വെച്ച നടത്തുന്ന അനന്തപുരി ഹിന്ദു മഹാസമ്മേളനത്തിന്റെ ഉദ്ഘാടന പ്രസംഗത്തിലാണ് പി സി ജോര്‍ജ് വര്‍ഗീയ വിഷം ചീറ്റിയത്. കച്ചവടം ചെയ്യുന്ന മുസ്‌ലിംകള്‍ പാനീയങ്ങളില്‍ വന്ധ്യത വരുത്താനുള്ള മരുന്നുകള്‍ ബോധപൂര്‍വം കലര്‍ത്തുന്നുവെന്നും മുസ്‌ലിംകള്‍ അവരുടെ ജനസംഖ്യ വര്‍ധിപ്പിച്ച് ഇതൊരു മുസ്‌ലിം രാജ്യമാക്കി മാറ്റാന്‍ ശ്രമിക്കുന്നുവെന്നും ഇയാള്‍ അവകാശപ്പെട്ടു.
മുസ്‌ലിംകളായ കച്ചവടക്കാര്‍ അവരുടെ സ്ഥാപനങ്ങള്‍ അമുസ്‌ലിം മേഖലകളില്‍ സ്ഥാപിച്ച് അവരുടെ സമ്പത്ത് കവര്‍ന്നുകൊണ്ടുപോകുന്നതായും ഇയാള്‍ പറഞ്ഞിരുന്നു.