രേഖകളില്ലാതെ ട്രെയിനില്‍ കടത്തിയ 35 ലക്ഷം രൂപ പിടികൂടി
ഇവരെ പാലക്കാട് ആര്‍പിഎഫ് ക്രൈം ഇന്റലിജന്‍സ് ബ്രാഞ്ച് അറസ്റ്റ് ചെയ്തു. ഈ പണം കൊണ്ട് പോകുന്നതിന് യാതൊരുവിധ രേഖയും ഇവരുടെ കയ്യില്‍ ഉണ്ടായിരുന്നില്
പാലക്കാട്: രേഖകളില്ലാതെ ട്രെയിനില്‍ കടത്തിയ 35 ലക്ഷം രൂപ പിടികൂടി. ശബരി എക്‌സ്പ്രസില്‍ സെക്കന്റ് എസി കമ്പാര്‍ട്ട്‌മെന്റ്ല്‍ രേഖകളില്ലാതെ കടത്തിക്കൊണ്ടുവന്ന 35 ലക്ഷം രൂപയുമായി ഹൈദരാബാദ് സോലാപൂര്‍ സ്വദേശി കളായ രാജു ഗോവിന്ദ് (38),സായി കൃഷ്ണന്‍( 26 ) എന്നിവരെയാണ് പിടികൂടിയത്. ഇവരെ പാലക്കാട് ആര്‍പിഎഫ് ക്രൈം ഇന്റലിജന്‍സ് ബ്രാഞ്ച് അറസ്റ്റ് ചെയ്തു. ഈ പണം കൊണ്ട് പോകുന്നതിന് യാതൊരുവിധ രേഖയും ഇവരുടെ കയ്യില്‍ ഉണ്ടായിരുന്നില്ല. പിടിച്ചെടുത്ത 35 ലക്ഷം രൂപയും പ്രതിയേയും തുടരന്വേഷണത്തിനായി പാലക്കാട് ഇന്‍കം ടാക്‌സ് ഇന്‍വെസ്റ്റിഗേഷന്‍ വിങ്ങിന് കൈമാറി. ആര്‍പിഎഫ് കമാന്‍ഡന്റ് ജെതിന്‍ ആ രാജിന്റെ നിര്‍ദ്ദേശപ്രകാരം സി.ഐ എന്‍ കേശവദാസ് എസ് ഐ ദീപക് എ പി. എഎസ്‌ഐ സജു കെ, ഹെഡ് കോണ്‍സ്റ്റബിള്‍ അശോക്, കോണ്‍സ്റ്റബിള്‍ മാരായ വി സവിന്‍, അബ്ദുല്‍ സത്താര്‍, അജീഷ്, എന്നിവരായിരുന്നു പരിശോധന സംഘത്തിലുണ്ടായിരുന്നത്.