ദമ്മാം: ഇന്ത്യന്‍ സോഷ്യല്‍ ഫോറം ദമ്മാം കേരള സ്‌റ്റേറ്റ് കമ്മിറ്റി വിന്റര്‍ഫെസ്റ്റ് 2020 ന്റെ ഭാഗമായി സംഘടിപ്പിച്ച ഫുട്‌ബോള്‍ മത്സരത്തില്‍ സിഹാത്ത ബ്രാഞ്ച് ജേതാക്കളായി.
ഖത്തീഫ് ബ്ലോക്കിനു കീഴിലെ വിവിധ ബ്രാഞ്ചുകള്‍ തമ്മിലുള്ള മത്സരങ്ങള്‍ ഇന്ത്യന്‍ സോഷ്യല്‍ ഫോറം ദമ്മാം കേരള സ്‌റ്റേറ്റ് സെക്രട്ടറി അന്‍സാര്‍ കോട്ടയം ഉദ്ഘാടനം ചെയ്തു. താറുത്ത്, നാബിയ, സിഹാത്ത്, ഖത്തീഫ് ബ്രാഞ്ചുകള്‍ ഏറ്റുമുട്ടിയ മത്സരത്തില്‍ സിഹാത്ത്, താറൂത്ത് ബ്രാഞ്ചുകള്‍ ഫൈനലിലെത്തി.
അത്യന്തം വാശിയേറിയ പോരാട്ടത്തില്‍ അവസാന നിമിഷം സിഹാത്ത് ബ്രാഞ്ചിന്റെ സക്കീര്‍ കൊല്ലം എതിര്‍ പോസ്റ്റിലേക്ക് ഗോള്‍ അടിച്ചത് കാണികളില്‍ ആവേശമുയര്‍ത്തി. സോഷ്യല്‍ ഫോറം ഖത്തീഫ് ബ്ലോക്ക് പ്രസിഡന്റ് ഷാഫി വെട്ടം അധ്യക്ഷത വഹിച്ച സമാപന ചടങ്ങില്‍ മത്സരത്തില്‍
ജേതാക്കളായ സിഹാത്ത് ബ്രാഞ്ചിനുള്ള ട്രോഫി അന്‍സാര്‍ കോട്ടയം ടീം ക്യാപ്റ്റന്‍ നിഷാദ് എറണാകുളത്തിന് സമ്മാനിച്ചു. ഏറ്റവും നല്ല കളിക്കാരനായി സിഹാത്ത് ബ്രാഞ്ചിന്റെ സകീര്‍ കൊല്ലം അര്‍ഹനായി. നിഷാദ് നിലബൂര്‍, അനീസ്, ഷറഫുദ്ധീന്‍, അലി മാങ്ങാട്ടൂര്‍ കളി നിയന്ത്രിച്ചു.