ന്യൂഡല്‍ഹി: ഇന്ത്യന്‍ ക്രിക്കറ്റ് താരം എം എസ് ധോണിയുടെ ട്വിറ്റര്‍ അക്കൗണ്ടില്‍ നിന്ന് നീല ടിക്ക് നീക്കം ചെയ്തു. ശനിയാഴ്ച മുതലാണ് നീല ടിക്ക് ഇല്ലാതായത്. ഒരാളുടെ വ്യക്തിഗത വിവരങ്ങളും പിന്തുടരുന്നവരുടെ എണ്ണവും പ്രശസ്തിയും ഒക്കെ പരിശോധിച്ചാണ് അക്കൗണ്ടുകള്‍ക്ക് നീല ടിക്ക് നല്‍കുന്നത്. ദീര്‍ഘകാലമായി ആക്റ്റീവല്ലാത്ത അക്കൗണ്ടുകളുടെ നീല ടിക്കുകളും എടുത്തുമാറ്റാറുണ്ട്.
എന്നാല്‍ കഴിഞ്ഞ ജനുവരി 8ാം തിയ്യതിയാണ് ധോണി അവസാനമായി ട്വീറ്റ് ചെയ്തത്.
എന്തുകൊണ്ടാണ് നീല് ടിക്ക് എടുത്തുകളഞ്ഞതെന്നതിനെക്കുറിച്ച് ആരാഞ്ഞ് ട്വിറ്ററിന് അപേക്ഷ നല്‍കിയിട്ടുണ്ടെന്ന് അദ്ദേഹം പറഞ്ഞു.
നേരത്തെ ഇന്ത്യയിലെ നിരവധി ദേശീയ നേതാക്കളുടെയും പ്രമുഖരുടെയും നീല ടിക്കുകള്‍ എടുത്തുമാറ്റിയത് വലിയ ചര്‍ച്ചയായിരുന്നു.