കുല്‍ഗാം: ടെറിട്ടോറിയല്‍ ആര്‍മിയില്‍ സേവനം നടത്തുന്നതിടെ ഒരു വര്‍ഷം മുമ്പ് കാണാതായ സൈനികന്റെ മൃതദേഹം അഴുകിയ നിലയില്‍ കണ്ടെത്തി. സൈനികന്‍ ഷാക്കിര്‍ വാഗെയെയാണ് മരിച്ച നിലയില്‍ കണ്ടെത്തിയത്. മൃതദേഹം മകന്റേത് തന്നെയാണെന്ന് ഷാക്കിറിന്റെ പിതാവ് മന്‍സൂര്‍ സ്ഥിരീകരിച്ചിട്ടുണ്ട്. കുല്‍ഗാമിലെ ഒരു മൊബൈല്‍ ടവറിന് സമീപത്തു നിന്നാണ് മൃതദേഹം കണ്ടെത്തിയത്.
ഡിഎന്‍എ പരിശോധന നടത്തിയ ശേഷം ബന്ധുക്കള്‍ക്ക് കൈമാറും. ഓഗസ്റ്റ് രണ്ടിനാണ് ഷാക്കിര്‍ വാഗെയെ വീട്ടില്‍ നിന്ന് ക്യാംപിലേക്ക് പോകും വഴി കാണാതായത്.