വെട്ടേറ്റ യുവാവ് സഞ്ചരിച്ചിരുന്ന ഇരുചക്ര വാഹനം റോഡരികില്‍.
മാളഃ പുത്തന്‍ചിറ മാണിയംകാവില്‍ യുവാവിനെ വെട്ടിപ്പരിക്കേല്‍പ്പിച്ചു. വെട്ടേറ്റ കോണത്തുകുന്ന് കാരുമാത്ര സ്വദേശി പുഞ്ചപ്പറമ്പില്‍ ബിനീഷിനെ (38) പരിക്കുകളോടെ തൃശൂര്‍ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. സംഭവത്തില്‍ ബിനീഷിന്റെ ബന്ധുവായ കുറ്റിയില്‍ കണ്ണന്‍ (33) എന്നയാളെ പോലിസ് കസ്റ്റഡിയില്‍ എടുത്തു. ഇവര്‍ തമ്മില്‍ വസ്തുതര്‍ക്കം നിലവിലുണ്ടെന്നാണ് പോലിസ് നല്‍കുന്ന വിശദീകരണം. ഇന്നലെ രാവിലെ എട്ട് മണിയോടെ മാണിയംകാവിലെ സ്വകാര്യ സ്ഥാപനത്തില്‍ ജോലിക്കെത്തിയപ്പോഴാണ് കാറിലെത്തിയ അക്രമി ബിനീഷിനെ ആക്രമിച്ചത്. ആക്രമണത്തില്‍ ബിനീഷിന്റെ കൈക്കും കാലിനും പരുക്കേറ്റിട്ടുണ്ട്. പരുക്കേറ്റ യുവാവിന്റെ അവസ്ഥ ഗുരുതരമാണെന്നാണ് അറിയുന്നത്.