അപകടത്തില്‍ പരിക്കേറ്റ് ചികിത്സയിലായിരുന്ന യുവാവ് മരിച്ചു
കല്ലടിക്കോട് വാക്കോട് പഴഞ്ചിറയില്‍ ജെയിംസിന്റെ മകന്‍ റിജോ (അപ്പു- 20) ആണ് മരിച്ചത്.
പാലക്കാട്: ദേശീയപാതയില്‍ കുതിരാനു സമീപം വഴുക്കപ്പാറയിലുണ്ടായ അപകടത്തില്‍ പരിക്കേറ്റ് ചികിത്സയിലായിരുന്ന യുവാവ് മരിച്ചു. കല്ലടിക്കോട് വാക്കോട് പഴഞ്ചിറയില്‍ ജെയിംസിന്റെ മകന്‍ റിജോ (അപ്പു- 20) ആണ് മരിച്ചത്. വ്യാഴാഴ്ച്ച ഉച്ചയോടെയാണ് അപകടം. കുഴിയില്‍ ചാടി നിയന്ത്രണം വിട്ട സ്‌കൂട്ടര്‍ എതിരേ വന്ന ടോറസില്‍ ഇടിക്കുകയായിരുന്നു. സാരമായി പരിക്കേറ്റ റിജോയെ തൃശൂരിലെ സ്വകാര്യ ആശുപത്രിയില്‍ പ്രവേശിച്ചിരിക്കുകയായിരുന്നു. ശനിയാഴ്ച്ച വൈകീട്ടോടെ മരിച്ചു.
അമ്മ: ഷീബ, സഹോദരങ്ങള്‍: റിന്‍സി, റിയ, ഒപ്പം യാത്ര ചെയ്യ്തിരുന്ന പറക്കലടി രാധാകൃഷ്ണന്റെ മകന്‍ ധനേഷ് ( 22) പരിക്കുകളോടെ തൃശൂരിലെ സ്വകാര്യ ആസ്പത്രിയില്‍ ചികിത്സയിലാണ്. കൂട്ടുകാരായ നാലു പേര്‍ രണ്ടു വണ്ടികളിലായി തൃശൂരിലെ സ്വകാര്യ സ്ഥാപനത്തില്‍ അഭിമുഖം കഴിഞ്ഞ് തിരികെ വരുമ്പോഴാണ് അപകടം. മൃതദേഹം പോസ്റ്റുമോര്‍ത്തിനു ശേഷം സംസ്‌ക്കാരം നടത്തി.