കരുനാഗപ്പള്ളി സ്‌റ്റേഷനിലെ ട്രാഫിക് സിഗ്‌നല്‍ അറ്റകുറ്റപ്പണി; രണ്ട് ട്രെയിനുകള്‍ റദ്ദാക്കി
തിരുവനന്തപുരം: കരുനാഗപ്പള്ളി റെയില്‍വേ സ്‌റ്റേഷനില്‍ ട്രാഫിക് സിഗ്‌നല്‍ അറ്റകുറ്റപ്പണി നടക്കുന്നതിനാല്‍ ബുധനാഴ്ച ട്രെയിന്‍ ഗതാഗതത്തിന് നിയന്ത്രണം ഏര്‍പ്പെടുത്തിയതായി റെയില്‍വേ അറിയിച്ചു. നിയന്ത്രണത്തിന്റെ ഭാഗമായി രണ്ട് ട്രെയിനുകള്‍ റദ്ദാക്കി. ബുധനാഴ്ച സര്‍വീസ് നടത്താനിരുന്ന കൊല്ലം- ആലപ്പുഴ(06770), ആലപ്പുഴ- കൊല്ലം (06771) അണ്‍ റിസേര്‍വ്ഡ് എക്‌സ്പ്രസ് ട്രയിനുകളാണ് റദ്ദാക്കിയത്. തിരുവനന്തപുരം-ന്യൂഡല്‍ഹി(12625), കന്യാകുമാരി- ബംഗളൂരു(16525), ഇന്‍ഡോര്‍- കൊച്ചുവേളി(22645) എന്നീ ട്രെയിനുകള്‍ വൈകിയോടുമെന്നും റെയില്‍വേ അറിയിച്ചു.