ആലപ്പുഴ: ആലപ്പുഴ മഹിളാ മന്ദിരത്തില്‍നിന്നും രണ്ട് യുവതികളെ കാണാതായി. സ്ഥാപനത്തിന്റെ മതില്‍ചാടി ഇരുവരും പുറത്തുകടന്നതായാണ് സൂചന. ആലപ്പുഴ, എറണാകുളം ജില്ലയില്‍നിന്നുള്ള 21 ഉം 24 ഉം വയസ്സുള്ള യുവതികളെയാണ് ചൊവ്വാഴ്ച വൈകീട്ട് ആറുമണിയോടെ കാണാതായതെന്ന് അധികൃതര്‍ പറഞ്ഞു.
മഹിളാ മന്ദിരം അധികൃതര്‍ സൗത്ത് പോലിസില്‍ പരാതി നല്‍കി. ഇവര്‍ക്കായി പോലിസ് അന്വേഷണം തുടങ്ങിയിട്ടുണ്ട്. രക്ഷപ്പെട്ടവരില്‍ ഒരാള്‍ പോക്‌സോ കേസിലെ ഇരയാണ്.