പത്തനംതിട്ട: കെഎസ്ആര്‍ടിസി ബസില്‍ വനിതാ കണ്ടക്ടര്‍ക്കു നേരെ അതിക്രമം. പത്തനംതിട്ടയില്‍ നിന്നും ചെങ്ങന്നൂരേക്കു പോകുന്ന ബസില്‍ വച്ചാണ് അതിക്രമം നടന്നത്. ഉച്ചയ്ക്ക് 2:40നാണു സംഭവം. ഇലന്തൂര്‍ പൂക്കോട് സ്വദേശി കോശിയെ കസ്റ്റഡിയിലെടുത്തു. ബസ്സില്‍ നിന്ന് ചാടിയിറങ്ങി ഓടി രക്ഷപ്പെടാന്‍ ശ്രമിക്കുന്നതിനിടെ ഇയാളെ പിന്തുടര്‍ന്നു പിടികൂടുകയായിരുന്നു. കണ്ടക്ടര്‍ ഇതുവരെ പരാതി നല്‍കിയിട്ടില്ല. പരാതി കിട്ടിയതിനു ശേഷം പോലിസ് പ്രതിയുടെ അറസ്റ്റ് രേഖപ്പെടുത്തും.