കോട്ടയം നീലിമംഗലം പാലത്തില്‍ നിന്ന് ചാടിയ മധ്യവയസ്‌കനെ രക്ഷപ്പെടുത്തി യുവാക്കള്‍
കോട്ടയം: നീലിമംഗലം പാലത്തില്‍നിന്നും ചാടിയ മധ്യവയസ്‌കനെ രക്ഷപ്പെടുത്തി. ഇന്ന് രാവിലെയാണ് നീലിമംഗലം പാലത്തില്‍ നിന്നും ഇയാള്‍ ചാടിയത്. ഇത് ശ്രദ്ധയില്‍പ്പെട്ട ഒരു കൂട്ടം യുവാക്കള്‍ ചേര്‍ന്ന് ഇയാളെ രക്ഷപ്പെടുത്തുകയായിരുന്നു. എറണാകുളം നെല്ലിമറ്റം സ്വദേശി കിഷോറിനെയാണ് (53) രക്ഷപ്പെടുത്തിയത്.
വെള്ളത്തിലൂടെ ഒഴുകിവന്ന ആളിനെ ആരും രക്ഷപ്പെടുത്താനില്ലായിരുന്നു. സംഭവം ശ്രദ്ധയില്‍പ്പെട്ട എം എസ് സിറാജ് മഠത്തിപ്പറമ്പില്‍, സിയാദ്, ഗൗതം, ഹാരിസ്, ഷംസ് എന്നിവര്‍ ചേര്‍ന്ന് ഇയാളെ രക്ഷപ്പെടുത്തി കോട്ടയം മെഡിക്കല്‍ കോളജ് ആശുപത്രിയില്‍ പ്രവേശിപ്പിക്കുകയായിരുന്നു.