8 കിലോ കഞ്ചാവുമായി ബിജെപി പ്രവർത്തകൻ അറസ്‌റ്റിൽ
പുതുവൽസര ആഘോങ്ങൾക്കായുള്ള വിൽപ്പന ലക്ഷ്യമാക്കി കൊണ്ടുവന്ന കഞ്ചാവാണ് പിടികൂടിയത്‌.
തൃശൂർ: തൃശൂർ നടത്തറയിൽ എട്ടുകിലോ കഞ്ചാവുമായി ബിജെപി പ്രവർത്തകനെ എക്‌സൈസ്‌ അറസ്‌റ്റ്‌ ചെയ്‌തു. പോലൂക്കര ഗാന്ധിനഗർ പുളിയത്തു പറമ്പിൽ രവി (50) യെയാണ്‌ പിടികൂടിയത്‌. ഇയാൾ ബിജെപി പ്രവർത്തനങ്ങളിൽ സജീവമാണ്‌.
സ്പെഷ്യൽ സ്‌ക്വാഡ് ഇൻസ്‌പെക്ടർ ജി കൃഷ്ണകുമാറിന്റെ നേതൃത്വത്തിലുള്ള സംഘമാണ്‌ പ്രതിയെ പിടികൂടിയത്‌. പൂച്ചട്ടി- മൂർക്കനിക്കര റോഡിൽ നടത്തിയ വാഹന പരിശോധനയ്‌ക്കിടെ ബൈക്കിൽ കടത്തിക്കൊണ്ടു വന്ന 7.800 കിലോ കഞ്ചാവുമായാണ്‌ ഇയാൾ പിടിയിലായത്‌. പുതുവൽസര ആഘോങ്ങൾക്കായുള്ള വിൽപ്പന ലക്ഷ്യമാക്കി കൊണ്ടുവന്ന കഞ്ചാവാണ് പിടികൂടിയത്‌.