കേളകത്ത് ട്രക്കിങിനിടെ ജീപ്പ് കൊക്കയിലേക്ക് മറിഞ്ഞു;നാല് പേര്‍ക്ക് പരിക്ക്
കേളകം: വെള്ളൂന്നി തൊട്ടിക്കവലയില്‍ ട്രക്കിങ്ങിനിടേ ജീപ്പ് മറിഞ്ഞ് നാലുപേര്‍ക്ക് പരിക്ക്.പാലക്കാട് നിന്നുള്ള സംഘം സഞ്ചരിച്ച ജീപ്പാണ് കൊക്കയിലേക്ക് മറിഞ്ഞത്. പരിക്കേറ്റ നാലുപേരെ കണ്ണൂരിലെ സ്വകാര്യ ആശുപത്രിയിലേക്ക് മാറ്റി.
ശനിയാഴ്ച വൈകിട്ട് മൂന്നരയോടെയായിരുന്നു അപകടം.പട്ടാമ്പി തൃത്താല സ്വദേശി പണ്ടാരവളപ്പില്‍ ഷാജി(42),ഭാര്യ നൗഫിയ(37), മക്കളായ ദാനിഷ്(11),ദിയ(3) എന്നിവര്‍ക്കാണ് പരിക്കേറ്റത്.ആരുടെയും പരിക്ക് ഗുരുതരമല്ല.