വാഹനാപകട കേസ് ഒതുക്കി തീര്‍ക്കാന്‍ 50000 രൂപ കൈക്കൂലി:പോലിസുകാര്‍ക്ക് സസ്‌പെന്‍ഷന്‍
കോഴിക്കോട് മെഡിക്കല്‍ കോളജ് പോലിസ് സ്‌റ്റേഷനിലെ എഎസ്‌ഐ പ്രവീണ്‍ കുമാര്‍, സിവില്‍ പോലിസ് ഓഫിസര്‍ കൃജേഷ് എന്നിവരെയാണ് സസ്‌പെന്‍ഡ് ചെയ്തത്
കോഴിക്കോട്: വാഹനാപകട കേസ് ഒതുക്കാന്‍ കൈക്കൂലി വാങ്ങിയ കേസില്‍ പോലിസുകാര്‍ക്ക് സസ്‌പെന്‍ഷന്‍.വാഹന ഉടമയുടെ പേരില്‍ കേസ് എടുക്കാതിരിക്കാന്‍ വാഹനം ഓടിച്ചയാളില്‍ നിന്ന് 50000 രൂപ കൈക്കൂലി വാങ്ങിയെന്ന പരാതിയുടെ അടിസ്ഥാനത്തിലാണ് സസ്‌പെന്‍ഷന്‍.
കോഴിക്കോട് മെഡിക്കല്‍ കോളജ് പോലിസ് സ്‌റ്റേഷനിലെ എഎസ്‌ഐ പ്രവീണ്‍ കുമാര്‍, സിവില്‍ പോലിസ് ഓഫിസര്‍ കൃജേഷ് എന്നിവരെയാണ് സസ്‌പെന്‍ഡ് ചെയ്തത്.മെഡിക്കല്‍ കോളജ് അസിസ്റ്റന്റ് കമ്മിഷണറുടെ അന്വേഷണ റിപ്പോര്‍ട്ടിന്റെ അടിസ്ഥാനത്തിലാണ് നടപടി.