കല്‍ക്കരി ഖനനത്തില്‍ 100 ശതമാനം വിദേശ നിക്ഷേപത്തിനു തീരുമാനം
രാജ്യത്തെ ആരോഗ്യമേഖല ശക്തിപ്പെടുത്തുന്നതിന്റെ ഭാഗമായി പുതിയ മെഡിക്കല്‍ കോളേജുകള്‍ തുടങ്ങാനും കേന്ദ്ര മന്ത്രിസഭ തീരുമാനിച്ചു.
ന്യൂഡല്‍ഹി: കല്‍ക്കരി ഖനനത്തിന്റെറ കാര്യത്തിലെ വിദേശ നിക്ഷേപം നൂറു ശതമാനമാക്കാന്‍ കേന്ദ്ര മന്ത്രിസഭ തീരുമാനിച്ചു. ഡിജിറ്റല്‍ മീഡിയ രംഗത്ത് 26 ശതമാനം വിദേശനിക്ഷേപത്തിനും അനുമതി നല്‍കിയിട്ടുണ്ട്. രാജ്യത്തെ ആരോഗ്യമേഖല ശക്തിപ്പെടുത്തുന്നതിന്റെ ഭാഗമായി പുതിയ മെഡിക്കല്‍ കോളേജുകള്‍ തുടങ്ങാനും കേന്ദ്ര മന്ത്രിസഭ തീരുമാനിച്ചു. 75 പുതിയ മെഡിക്കല്‍ കോളേജുകള്‍ തുടങ്ങാനാണ് തീരുമാനം. മെഡിക്കല്‍ കോളേജുകള്‍ ഇല്ലാത്ത ജില്ലകള്‍ക്കാണ് പ്രഥമ പരിഗണന.