കൊല്‍ക്കത്ത: പശ്ചിമ ബംഗാള്‍ മുഖ്യമന്ത്രി മമതാ ബാനര്‍ജിയെ ജയ്ശ്രീറാം വിളികളോടെ അധിക്ഷേപിച്ച ഏഴുപേര്‍ പിടിയില്‍. ലോക്‌സഭാ തെരഞ്ഞെടുപ്പ് പ്രചാരണത്തിനിടെ ബിജെപി പ്രവര്‍ത്തകര്‍ തൃണമൂല്‍ പ്രവര്‍ത്തകരെ ആക്രമിച്ചതിനെതിരേ സംഘടിപ്പിച്ച പ്രതിഷേധയോഗത്തില്‍ പങ്കെടുക്കാന്‍ പോകവെയാണ് മമതയുടെ വാഹന വ്യൂഹത്തിനു നേരെ ജയ്ശ്രീറാം വിളികളോടെ അധിക്ഷേപമുണ്ടായത്.
നോര്‍ത്ത് 24 പര്‍ഗാനസ് ജില്ലയിലെ ഭത്പരയിലൂടെ സഞ്ചരിക്കവെയാണ് മമതക്കു നേരെ അധിക്ഷേപമുണ്ടായത്.
ജയ് ശ്രീറാം വിളിക്കിടെ വാഹനം നിര്‍ത്തി പുറത്തിറങ്ങിയ മമത സുരക്ഷ ഉദ്യോഗസ്ഥരോട് അക്രമിസംഘത്തിന്റെ വിവരങ്ങള്‍ ശേഖരിക്കാന്‍ ആവശ്യപ്പെട്ടു. ഇത്തരത്തില്‍ വിവരങ്ങള്‍ ശേഖരിച്ചവരാണ് ഇപ്പോള്‍ പിടിയിലായവര്‍.
മമതക്കെതിരായ അക്രമത്തിന്റെ വീഡിയോ സാമൂഹിക മാധ്യമങ്ങളില്‍ വ്യാപകമായി പ്രചരിച്ചിരുന്നു. ബിജെപിക്കാര്‍ക്കെതിരേ നടന്ന പ്രതിഷേധ പരിപാടിയിലും സംഭവത്തെക്കുറിച്ച് മമത പരാമര്‍ശിച്ചിരുന്നു.