സൂര്യനമസ്‌കാരത്തിനിടെ കോണ്‍ഗ്രസ് നേതാവ് മരിച്ചു
ശനിയാഴ്ച രാവിലെ പരിപാടിയില്‍ പങ്കെടുത്തു കൊണ്ടിരിക്കെ നെഞ്ചുവേദന അനുഭവപ്പെട്ട സക്‌സേനയെ ആശുപത്രിയിലെത്തിച്ചെങ്കിലും മരിച്ചിരുന്നു.
ഭോപാല്‍: ദേശീയ യുവജനദിനത്തില്‍ സംഘടിപ്പിച്ച സൂര്യനമസ്‌കാര പരിപാടിക്കിടെ കോണ്‍ഗ്രസ് നേതാവ് ഹൃദയാഘാതം മൂലം മരിച്ചു. ചിന്ദാവര ജില്ലാ കോണ്‍ഗ്രസ് വൈസ് പ്രസിഡന്റും മധ്യപ്രദേശ് ഭക്ഷ്യവകുപ്പിന്റെ മുന്‍ ചെയര്‍മാനുമായിരുന്ന പ്രദീപ് സക്‌സേനയാണ് മരിച്ചത്. ശനിയാഴ്ച രാവിലെ പരിപാടിയില്‍ പങ്കെടുത്തു കൊണ്ടിരിക്കെ നെഞ്ചുവേദന അനുഭവപ്പെട്ട സക്‌സേനയെ ആശുപത്രിയിലെത്തിച്ചെങ്കിലും മരിച്ചിരുന്നു. 2009 മുതല്‍ ദേശീയ യുവജനദിനമായ ജനുവരി 12നു സംസ്ഥാന വ്യാപകമായി സൂര്യനമസ്‌കാരം പ്രോല്‍സാഹിപ്പിക്കുന്നതിനുള്ള പരിപാടികള്‍ സംഘടിപ്പിക്കാറുണ്ട്.