സ്‌റ്റേഷനുള്ളില്‍ ഡാന്‍സ് ചെയ്ത് ടിക് ടോക്; വനിതാ പോലിസിനു സസ്‌പെന്‍ഷന്‍
ലോക് ദക്ഷത് ദള്‍ റിക്രൂട്ട്‌മെന്റായ അര്‍പ്പിത ചൗധരിയെയാണ് സസ്‌പെന്റ് ചെയ്തത്
മെഹ്‌സാന: ഗുജറാത്തില്‍ പോലിസ് സ്‌റ്റേഷനുള്ളില്‍ നിന്ന് ഡാന്‍സ് ചെയ്ത് ടിക് ടോക്കില്‍ പോസ്റ്റ് ചെയ്ത യുവ വനിതാ പോലിസുകാരിക്ക് സസ്‌പെന്‍ഷന്‍. ലോക് ദക്ഷത് ദള്‍ റിക്രൂട്ട്‌മെന്റായ അര്‍പ്പിത ചൗധരിയെയാണ് സസ്‌പെന്റ് ചെയ്തത്. ലോക്കപ്പിന് മുന്നില്‍ നിന്ന് നൃത്തം ചെയ്യുന്ന ടിക് ടോക് വീഡിയോ സാമൂഹികമാധ്യമങ്ങളില്‍ വൈറലായതോടെയാണ് നടപടി. മെഹ്‌സാന ജില്ലയിലെ ലംഗനാജ് പോലിസ് സ്‌റ്റേഷനുള്ളിലായിരുന്നു അര്‍പ്പിതയുടെ നൃത്തം. ജോലിസമയത്ത് യൂനിഫോം ധരിക്കാത്തതിനും ലോക്കപ്പിന് മുന്നില്‍ നിന്ന് നൃത്തം ചെയ്തതും നിയമലംഘനമാണെന്ന് ചൂണ്ടിക്കാട്ടിയാണ് നടപടിയെടുത്തത്.