ഡല്‍ഹി- ഗോവ രാജധാനി എക്‌സ്പ്രസ് മഹാരാഷ്ട്രയിലെ തുരങ്കത്തില്‍ പാളം തെറ്റി; യാത്രക്കാര്‍ സുരക്ഷിതരെന്ന് റിപോര്‍ട്ട്
മുംബൈ: ഡല്‍ഹിയില്‍നിന്ന് ഗോവയിലേക്കുള്ള രാജധാനി എക്‌സ്പ്രസ് ട്രെയിന്‍ പാളംതെറ്റി. ഇന്ന് രാവിലെ മഹാരാഷ്ട്രയിലെ രത്‌നഗിരിയിലെ തുരങ്കത്തിലായിരുന്നു അപകടം. ഡല്‍ഹിയിലെ ഹസ്രത്ത് നിസാമുദ്ദീന്‍ സ്റ്റേഷനില്‍നിന്ന് പുറപ്പെട്ട രാജധാനി എക്‌സ്പ്രസിന് രത്‌നഗിരിക്ക് സമീപമുള്ള കാര്‍ബൂഡ് തുരങ്കത്തില്‍വച്ച് പാളം തെറ്റുകയായിരുന്നു-ഒരു ഉദ്യോഗസ്ഥന്‍ വാര്‍ത്താ ഏജന്‍സിയായ പിടിഐയോട് പറഞ്ഞു. സംഭവത്തില്‍ ഒരു യാത്രക്കാരനും പരിക്കേറ്റിട്ടില്ലെന്നും മുംബൈയില്‍നിന്ന് 325 കിലോമീറ്റര്‍ അകലെയാണ് അപകടമുണ്ടായതെന്നും അധികൃതര്‍ പറഞ്ഞു. കൂടുതല്‍ വിശദാംശങ്ങള്‍ പുറത്തുവന്നിട്ടില്ല.