ഇന്ത്യന്‍ അന്തര്‍വാഹിനി സമുദ്രാതിര്‍ത്തി കടക്കാന്‍ ശ്രമിച്ചെന്ന പാക് ആരോപണം തള്ളി ഇന്ത്യ
ന്യൂഡല്‍ഹി: ഇന്ത്യന്‍ അന്തര്‍വാഹിനി സമുദ്രാതിര്‍ത്തി കടക്കാന്‍ ശ്രമിച്ചെന്ന പാക് ആരോപണം നുണയാണെന്നും ആരോപണത്തിനു തെളിവായി പാകിസ്താന്‍ പുറത്തു വിട്ട വീഡിയോ 2016 നവംബറിലേതാണെന്നും ഇന്ത്യ. ഭീകരവാദത്തിനെതിരേ ഇന്ത്യ നടത്തുന്ന പോരാട്ടങ്ങളില്‍ നിന്നു ശ്രദ്ധ തിരിക്കാനും യുദ്ധഭീതി പരത്താനുമാണ് പാകിസ്താന്റെ ശ്രമമെന്നും അധികൃതര്‍ വ്യക്തമാക്കി. സമുദ്രാതിര്‍ത്തി ലംഘിക്കാന്‍ ശ്രമിച്ച ഇന്ത്യന്‍ അന്തര്‍വാഹിനിയെ തുരത്തിയെന്നായിരുന്നു പാക് നാവികസേനയുടെ അവകാശ വാദം. തങ്ങള്‍ സമാധാനം ആഗ്രഹിക്കുന്നതിനാലാണ് അന്തര്‍വാഹിനിക്കു നേരെ ആക്രമണം നടത്താതിരുന്നതെന്നും പാകിസ്താന്‍ വ്യക്തമാക്കിയിരുന്നു. ഇതിനെതിരെയാണ് ഇന്ത്യ രംഗത്തെത്തിയത്.