ശ്രീനഗര്‍: ജമ്മു കശ്മീരിലെ രജൗരി ജില്ലയിലെ സുന്ദര്‍ബേനി സെക്ടറില്‍ നിയന്ത്രണ രേഖക്കു സമീപം പാക് സേന നടത്തിയ വെടിവപ്പില്‍ ഇന്ത്യന്‍ സൈനികന്‍ കൊല്ലപ്പെട്ടു. യഷ്പാല്‍ എന്ന ജവാനാണ് കൊല്ലപ്പെട്ടത്. വെടിവപ്പിലും ഷെല്ലാക്രമണത്തിലും നിരവധി സൈനികര്‍ക്കു പരിക്കേറ്റതായും സൈനിക വൃത്തങ്ങള്‍ അറിയിച്ചു. അതേസമയം ബാരാമുള്ള ജില്ലയിലെ സോപോറില്‍ സായുധര്‍ പോലിസിനു നേരെ നടത്തിയ ഗ്രനേഡ് ആക്രമണത്തില്‍ രണ്ടു പോലിസുകാര്‍്ക്കു പരിക്കേറ്റതായും അധികൃതര്‍ അറിയിച്ചു.