ചത്തീസ്ഗഡ്: സുരക്ഷാ സേനയുടെ വെടിവെപ്പില്‍ മൂന്നു സ്ത്രീകളടക്കം നാലു മാവോവാദികള്‍ കൊല്ലപ്പെട്ടു
റായ്പൂര്‍: സുരക്ഷാ സേനയും മാവോവാദികളും തമ്മിലുള്ള ഏറ്റുമുട്ടലിനിടെ നാലു മാവോവാദികള്‍ കൊല്ലപ്പെട്ടു. കൊല്ലപ്പെട്ടവരില്‍ മൂന്നുപേര്‍ സ്ത്രീകളാണ്. ചത്തീസ്ഗഡിലെ ദംതാരി ജില്ലയിലാണ് മാവോവാദികള്‍ കൊല്ലപ്പെട്ടത്.
കല്ലാരി, മെച്ച്ക ഗ്രാമങ്ങളില്‍ ഇന്നു രാവിലെ നടത്തിയ തിരച്ചിലിനിടെയാണ് ഏറ്റുമുണ്ടലുണ്ടായതെന്നു മാവോവാദി വിരുദ്ധ സേനാ ഡിഐജി സുന്ദര്‍രാജ് പറഞ്ഞു. ഏറ്റുമുട്ടലിനു ശേഷം മേഖലയില്‍ നടത്തിയ തിരച്ചിലിനിടെയാണ് മൂന്നു സ്ത്രീകളടക്കം നാലു മാവോവാദികളുടെ മൃതശരീരം കണ്ടെടുത്തത്. മേഖലയില്‍ നിന്നും വെടിക്കോപ്പുകളും മറ്റും കണ്ടെടുത്തതായും ഡിഐജി വ്യക്തമാക്കി.