യുജിസി നെറ്റ്, സിഎസ്‌ഐആര്‍ നെറ്റ്, ഐഐഎഫ്ടി എംബിഎ പരീക്ഷകള്‍ക്ക് ഇപ്പോള്‍ അപേക്ഷിക്കാം
ന്യൂഡല്‍ഹി: യുജിസി നെറ്റ്, ഐഐഎഫ്ടി(ഇന്ത്യന്‍ ഇന്‍സ്റ്റിറ്റിയൂട്ട് ഓഫ് ഫോറിന്‍ ട്രേഡ്) എംബിഎ, സിഎസ്‌ഐആര്‍ നെറ്റ് എന്നീ പരീക്ഷകള്‍ക്ക് തിങ്കളാഴ്ച(09-09-19) മുതല്‍ അപേക്ഷിക്കാം.
യുജിസി നെറ്റിന് ഒക്ടോബര്‍ 9 വരെയാണ് അപേക്ഷിക്കാന്‍ സമയം. ഡിസംബര്‍ രണ്ടു മുതല്‍ ആറ് വരെ നടക്കുന്ന പരീക്ഷയുടെ അഡ്മിറ്റ് കാര്‍ഡ് നവംബര്‍ 9 മുതല്‍ ലഭ്യമാകും. വെബ്‌സൈറ്റ്: ntanet.nic.in
ശാസ്ത്ര വിഷയത്തില്‍ സിഎസ്‌ഐആര്‍ യുജിസി നെറ്റ് പരീക്ഷക്കും ഒക്ടോബര്‍ 9 വരെ അപേക്ഷിക്കാം. അഡ്മിറ്റ് കാര്‍ഡ് നവംബര്‍ 9 മുതല്‍ ലഭ്യമാകും. ഡിസംബര്‍ 15നായിരിക്കും പരീക്ഷ. വെബ്‌സൈറ്റ്: ntanet.nic.in
ഐഐഎഫ്ടി എംബിഎ പ്രവേശനത്തിന് ഒക്ടോബര്‍ 25വരെയാണ് അപേക്ഷിക്കാന്‍ സമയം. ഡിസംബര്‍ ഒന്നിനു നടക്കുന്ന പരീക്ഷയുടെ അഡ്മിറ്റ് കാര്‍ഡ് നവംബര്‍ ഒന്നുമുതല്‍ ലഭ്യമാകും. യോഗ്യത: ഏതെങ്കിലും വിഷയത്തില്‍ 50 ശതമാനം മാര്‍ക്കോടെ ബിരുദം. സംവരണ ആനുകൂല്യമുള്ളവര്‍ക്ക് 45 ശതമാനം. വെബ്‌സൈറ്റ്: http//tedu.iift.ac.in