കോട്ടയത്ത് യുവതിയെ കുത്തി പരിക്കേല്‍പ്പിച്ചു, ഭര്‍ത്താവ് കസ്റ്റഡിയില്‍
കണ്ണമുണ്ടയില്‍ സിനി (42) ആണ് ആക്രമിക്കപ്പെട്ടത്. ഭര്‍ത്താവ് ബിനോയ് ജോസഫിനെ (48) പൊന്‍കുന്നം പോലിസ് കസ്റ്റഡിയിലെടുത്തു.
കോട്ടയം: കോട്ടയം പൈക മല്ലികശ്ശേരിയില്‍ യുവതിയെ ഭര്‍ത്താവ് കുത്തി പരിക്കേല്‍പ്പിച്ചു. കണ്ണമുണ്ടയില്‍ സിനി (42) ആണ് ആക്രമിക്കപ്പെട്ടത്. ഭര്‍ത്താവ് ബിനോയ് ജോസഫിനെ (48) പൊന്‍കുന്നം പോലിസ് കസ്റ്റഡിയിലെടുത്തു.
ഇന്നലെ രാത്രി 10.30 ഓടേയായിരുന്നു സംഭവം. കിടപ്പുമുറിയില്‍ വെച്ച് സിനിയുടെ കഴുത്തില്‍ ബിനോയ് കത്തി ഉപയോഗിച്ച് കുത്തുകയായിരുന്നു. കുട്ടികള്‍ മറ്റൊരു മുറിയില്‍ ഉറങ്ങികിടക്കവേ ആയിരുന്നു സംഭവം. ഗുരുതരമായി പരിക്കേറ്റ സിനിയെ സ്വകാര്യ ആശുപത്രിയില്‍ പ്രവേശിപ്പിച്ചു.