അഡ്വ.എ ജയശങ്കറിനെ സി പി ഐ തിരിച്ചെടുത്തു
സോഷ്യല്‍ മീഡിയയിലൂടെയും ടി വി ചാനലിലൂടെയും നിരന്തരമായി വിമര്‍ശനം നടത്തുന്നത് പാര്‍ട്ടിക്കും മുന്നണിക്കും ദോഷകരമാകുന്നുവെന്ന് ആരോപിച്ചായിരുന്നു എറണാകുളം ഹൈക്കോടതി അഭിഭാഷക ബ്രാഞ്ചിലെ അംഗമായിരുന്ന ജയശങ്കറിന്റെ അംഗ്വതം നേരത്തെ റദ്ദാക്കിയത്
കൊച്ചി: അംഗത്വം പുതുക്കി നല്‍കാതിരുന്ന ബ്രാഞ്ചിന്റെ നടപടി റദ്ദാക്കി അഡ്വ.എ ജയശങ്കറിനെ സിപി ഐ തിരിച്ചെടുത്തു.എറണാകുളം ഹൈക്കോടതി അഭിഭാഷക ബ്രാഞ്ചിലെ അംഗമായിരുന്നു ജയശങ്കര്‍.സോഷ്യല്‍ മീഡിയയിലൂടെയും ടി വി ചാനലിലൂടെയും നിരന്തരമായി വിമര്‍ശനം നടത്തുന്നത് പാര്‍ട്ടിക്കും മുന്നണിക്കും ദോഷകരമാകുന്നുവെന്ന് ആരോപിച്ചായിരുന്നു ജയശങ്കറിന്റെ അംഗത്വം ബ്രാഞ്ച് റദ്ദാക്കിയത്.
ഇതിനെതിരെ ജയശങ്കര്‍ പാര്‍ട്ടി സംസ്ഥാന കണ്‍ട്രോള്‍ കമ്മീഷന് പരാതി നല്‍കിയിരുന്നു.പരാതി പരിശോധിച്ച കണ്‍ട്രോള്‍ കമ്മീഷന് ബ്രാഞ്ചിന്റെ നടപടി റദ്ദാക്കുകയും അംഗത്വം പുനസ്ഥാപിക്കാന്‍ തീരുമാനിക്കുകയും ചെയ്തു.പാര്‍ട്ടി സംസ്ഥാന എക്‌സിക്യൂട്ടീവ് കമ്മിറ്റി കണ്‍ട്രോള്‍ കമ്മീഷന്റെ നടപടി അംഗീകരിക്കുകയും ചെയ്തു. ഇതോടെയാണ് ജയങ്കറിന്റെ തിരിച്ചു വരവിന് കളമൊരുങ്ങിയത്.