ഗവര്‍ണര്‍ക്കെതിരേ ആയൂരിൽ കരിങ്കൊടി പ്രതിഷേധം
പുനലൂർ, പത്തനാപുരം എന്നിവിടങ്ങളിൽ പൊതുപരിപാടിക്കായി പോകവെ എഐവൈഎഫ്, എഐഎസ്എഫ്‌ പ്രവര്‍ത്തകരാണ് പ്രതിഷേധിച്ചത്.
കൊല്ലം: ഗവര്‍ണര്‍ ആരിഫ് മുഹമ്മദ് ഖാനെതിരെ ആയൂരിൽ കരിങ്കൊടി പ്രതിഷേധം. പുനലൂർ, പത്തനാപുരം എന്നിവിടങ്ങളിൽ പൊതുപരിപാടിക്കായി പോകവെ എഐവൈഎഫ്, എഐഎസ്എഫ്‌ പ്രവര്‍ത്തകരാണ് പ്രതിഷേധിച്ചത്. സ്ഥലത്തുണ്ടായിരുന്ന പോലിസ് ഉടൻ തന്നെ ഇടപെട്ട് പ്രതിഷേധക്കാരെ റോഡില്‍ നിന്നും ഒഴിവാക്കി.
പൗരത്വ നിയമഭേദഗതിയുമായി ബന്ധപ്പെട്ട വിഷയത്തിൽ ആരിഫ് ഖാനും സംസ്ഥാന സർക്കാരും ഇരുചേരിയിലാണ്. പൗരത്വ ഭേദഗതി നിയമത്തി തിരെയുള്ള പ്രതിഷേധങ്ങൾ രാഷ്ട്രീയ പ്രേരിതമെന്നായിരുന്നു ഗവർണർ പറഞ്ഞത്. ദേശീയ ജനസംഖ്യാ രജിസ്റ്ററിന്റെ കാര്യത്തിൽ മുഖ്യമന്ത്രി നിഴൽ യുദ്ധം നടത്തുകയാണ്. സംസ്ഥാന സര്‍ക്കാരുമായി ഏറ്റുമുട്ടാനില്ലെന്നും അദ്ദേഹം പറഞ്ഞിരുന്നു. സര്‍ക്കാരിനെ ഉപദേശിക്കാന്‍ മാത്രമേ ഉള്ളൂവെന്നും രാഷ്ട്രീയ പ്രചാരണത്തിന് പൊതുപണം ഉപയോഗിക്കുന്നത് ശരിയല്ലെന്നും അദ്ദേഹം കൂട്ടിച്ചേർത്തു. പൗരത്വ നിയമ ഭേദഗതിയില്‍ സംസ്ഥാന സര്‍ക്കാര്‍ നല്‍കിയ പത്ര പരസ്യത്തെയും അദ്ദേഹം പരോക്ഷമായി വിമർശിച്ചിരുന്നു.