കോട്ടയത്ത് 51 പേര്‍ക്ക് കൂടി കൊവിഡ്; 41 സമ്പര്‍ക്കരോഗികള്‍, 12 പേര്‍ രോഗമുക്തരായി
നിലവില്‍ കോട്ടയം ജില്ലക്കാരായ 333 പേരാണ് ചികില്‍സയില്‍ കഴിയുന്നത്. ജില്ലയില്‍ ഇതുവരെ ആകെ 608 പേര്‍ക്കാണ് കൊവിഡ് ബാധിച്ചത്. 275 പേര്‍ രോഗമുക്തി നേടി.
കോട്ടയം: ജില്ലയില്‍ 51 പേര്‍ക്ക് കൂടി കൊവിഡ്-19 സ്ഥിരീകരിച്ചു. സമ്പര്‍ക്കം മുഖേന 41 പേര്‍ക്കാണ് രോഗബാധയുണ്ടായത്. ജില്ലയിലെ ഏറ്റവും ഉയര്‍ന്ന പ്രതിദിന രോഗബാധാനിരക്കാണിത്. പുതിയ രോഗികളില്‍ 23 പേരും ചങ്ങനാശ്ശേരി, പായിപ്പാട് മേഖലകളില്‍നിന്നുള്ളവരാണ്. ചിങ്ങവനത്ത് നേരത്തെ രോഗം സ്ഥിരീകരിച്ചയാള്‍ക്കൊപ്പം സംസ്‌കാരച്ചടങ്ങില്‍ പങ്കെടുത്ത നാലുപേര്‍ക്കും വൈക്കം മല്‍സ്യമാര്‍ക്കറ്റില്‍ രോഗബാധിതനായ ആളുടെ സമ്പര്‍ക്കപട്ടികയിലുണ്ടായിരുന്ന രണ്ടുപേര്‍ക്കും കൊവിഡ് ബാധിച്ചു.
വിദേശത്തുനിന്നും മറ്റു സംസ്ഥാനങ്ങളില്‍നിന്നുമെത്തിയ അഞ്ചുപേര്‍വീതം രോഗബാധിതരായി. ചികില്‍സയിലായിരുന്ന 12 പേര്‍ രോഗമുക്തരായി. നിലവില്‍ കോട്ടയം ജില്ലക്കാരായ 333 പേരാണ് ചികില്‍സയില്‍ കഴിയുന്നത്. ജില്ലയില്‍ ഇതുവരെ ആകെ 608 പേര്‍ക്കാണ് കൊവിഡ് ബാധിച്ചത്. 275 പേര്‍ രോഗമുക്തി നേടി.
രോഗം സ്ഥിരീകരിച്ചവരുടെ വിശദാംശങ്ങള്‍
സമ്പര്‍ക്കം മുഖേന രോഗം ബാധിച്ചവര്‍
ചങ്ങനാശേരി, പായിപ്പാട് മേഖലകളില്‍ നേരത്തെ രോഗം സ്ഥിരീകരിച്ചവരുടെ സമ്പര്‍ക്കപട്ടികയില്‍ ഉള്‍പ്പെട്ടവര്‍
1. നേരത്തെ രോഗം സ്ഥിരീകരിച്ച പായിപ്പാട് സ്വദേശിയുടെ ഭാര്യ(35)
2. രോഗം സ്ഥിരീകരിച്ച പായിപ്പാട് സ്വദേശിനിയുടെ മകന്‍(10)
3. രോഗം സ്ഥിരീകരിച്ച പായിപ്പാട് സ്വദേശിനിയുടെ മകള്‍(9)
4. രോഗം സ്ഥിരീകരിച്ച പായിപ്പാട് സ്വദേശിനിയുടെ ബന്ധുവായ സ്ത്രീ (90)
5. ചങ്ങനാശ്ശേരി മാര്‍ക്കറ്റില്‍ ആദ്യമായി രോഗം സ്ഥിരീകരിച്ച ചങ്ങനാശ്ശേരി സ്വദേശിയുടെ മൂത്തമകന്‍(16)
6. ചങ്ങനാശ്ശേരി മാര്‍ക്കറ്റില്‍ ആദ്യമായി രോഗം സ്ഥിരീകരിച്ച ചങ്ങനാശ്ശേരി സ്വദേശിയുടെ ഇളയ മകന്‍ (14)
7. പായിപ്പാട് സ്വദേശിയായ മല്‍സ്യവ്യാപാരി(33)
8. സ്വകാര്യകമ്പനി ജീവനക്കാരനായ കോട്ടയം ഈരയില്‍കടവ് സ്വദേശി(32)
9. മല്‍സ്യവ്യാപാരിയായ പായിപ്പാട് പള്ളിക്കച്ചിറ സ്വദേശി(30)
10. ലോഡിങ് തൊഴിലാളിയായ പായിപ്പാട് സ്വദേശി(38)
11. ലോറി തൊഴിലാളിയായ ഇത്തിത്താനം സ്വദേശി(57)
12. ജൂലൈ 19ന് രോഗം സ്ഥിരീകരിച്ച പായിപ്പാട് പിസി കവല സ്വദേശിയായ മല്‍സ്യവ്യാപാരിയുടെ അമ്മ(66)
13. ജൂലൈ 19ന് രോഗം സ്ഥിരീകരിച്ച പായിപ്പാട് പിസി കവല സ്വദേശിയായ മല്‍സ്യവ്യാപാരിയുടെ ഭാര്യ(36). പലചരക്കുകട നടത്തുന്നു.
14. രോഗം സ്ഥിരീകരിച്ച യുവതിയുടെ മകന്‍(10)
15. രോഗം സ്ഥിരീകരിച്ച യുവതിയുടെ മകള്‍ (1)
16. ചങ്ങനാശ്ശേരി മാര്‍ക്കറ്റില്‍ നേരത്തെ രോഗം സ്ഥിരീകരിച്ചയാളുടെ സമ്പര്‍ക്ക പട്ടികയിലുണ്ടായിരുന്ന ചങ്ങനാശേരിയിലെ കടയുടമയായ പുഴവാത് സ്വദേശി(23)
17. ചങ്ങനാശ്ശേരി മാര്‍ക്കറ്റില്‍ രോഗം സ്ഥിരീകരിച്ചയാളുടെ സമ്പര്‍ക്കപട്ടികയിലുണ്ടായിരുന്ന ചങ്ങനാശ്ശേരി വാഴപ്പള്ളി സ്വദേശിനി(42)
18. ചങ്ങനാശ്ശേരി മാര്‍ക്കറ്റില്‍ ജൂലൈ 18ന് രോഗം സ്ഥിരീകരിച്ചയാളുടെ സമ്പര്‍ക്കപട്ടികയിലുണ്ടായിരുന്ന ചങ്ങനാശ്ശേരി സ്വദേശി(64)
19. രോഗം സ്ഥിരീകരിച്ച പായിപ്പാട് പിസി കവല സ്വദേശിനിയുടെ സമ്പര്‍ക്കപട്ടികയിലുണ്ടായിരുന്ന ചില്ലറ മല്‍സ്യവ്യാപാരി(65)
20. പായിപ്പാട് ഇറച്ചിക്കട നടത്തുന്ന പായിപ്പാട് സ്വദേശി(31)
21. പായിപ്പാട് വെള്ളാപ്പള്ളി സ്വദേശിയായ മല്‍സ്യവ്യാപാരി(46)
22. പായിപ്പാട്ട് മല്‍സ്യവ്യാപാര സ്ഥാപനത്തിലെ ജീവനക്കാരനായ പിസി കവല സ്വദേശി(50)
23. ചങ്ങനാശ്ശേരി പൊട്ടകുളം സ്വദേശിനി(22)
ജൂലൈ 19ന് രോഗം സ്ഥിരീകരിച്ച ചിങ്ങവനം സ്വദേശിയുടെ സമ്പര്‍ക്കപട്ടികയില്‍ ഉള്‍പ്പെട്ടവര്‍
24. കോട്ടയം കോട്ടകം സ്വദേശിനിയായ വീട്ടമ്മ(68).
25. ഡ്രൈവറായ ചിങ്ങവനം സ്വദേശി(47).
26. ലോഡിങ് തൊഴിലാളിയായ ചിങ്ങവനം സ്വദേശി(55).
27. ചിങ്ങവനം സ്വദേശിനിയായ വീട്ടമ്മ(65)
വൈക്കം മാര്‍ക്കറ്റില്‍ നേരത്തെ രോഗം സ്ഥിരീകരിച്ചവരുടെ സമ്പര്‍ക്കപട്ടികയില്‍ ഉള്‍പ്പെട്ടവര്‍
28. വൈക്കം മല്‍സ്യമാര്‍ക്കറ്റിലെ ലോഡിങ് തൊഴിലാളിയായ വൈക്കം സ്വദേശി(47)
29. വൈക്കം മല്‍സ്യമാര്‍ക്കറ്റിലെ ലോഡിങ് തൊഴിലാളിയായ വൈക്കം പോളശ്ശേരി സ്വദേശി(32)
സമ്പര്‍ക്കം മുഖേന രോഗം ബാധിച്ച മറ്റുള്ളവര്‍
30. നേരത്തെ രോഗം സ്ഥിരീകരിച്ച എഴുമാന്തുരുത്ത് സ്വദേശിയായ കുട്ടിയുടെ സമ്പര്‍ക്കപട്ടികയിലുണ്ടായിരുന്ന തലയാഴം തോട്ടകം സ്വദേശിനി(71)
31. നേരത്തെ രോഗം സ്ഥിരീകരിച്ച തലയാഴം തോട്ടകം സ്വദേശിയുടെ ബന്ധുവായ ആണ്‍കുട്ടി (13)
32. ആലുവയിലെ സ്വകാര്യാശുപത്രിയില്‍ ജീവനക്കാരനായ വൈക്കം സ്വദേശി(29). നേരത്തെ രോഗം സ്ഥിരീകരിച്ച രണ്ട് ആരോഗ്യപ്രവര്‍ത്തകരുടെ സമ്പര്‍ക്കപട്ടികയിലുണ്ടായിരുന്നു.
33. രോഗം സ്ഥിരീകരിച്ച പാമ്പാടി താലൂക്ക് ആശുപത്രിയിലെ നഴ്‌സിന്റെ സമ്പര്‍ക്കപട്ടികയിലുണ്ടായിരുന്ന കേറ്ററിങ് സര്‍വീസ് ഉടമയായ കാഞ്ഞിരപ്പള്ളി സ്വദേശി(35)
34. ലോറി ഡ്രൈവറായ ആനക്കല്ല് സ്വദേശി(45). സമ്പര്‍ക്കപശ്ചാത്തലം വ്യക്തമല്ല.
35. പാറത്തോട് നേരത്തെ രോഗം സ്ഥിരീകരിച്ചയാളുടെ സമ്പര്‍ക്കപട്ടികയിലുണ്ടായിരുന്ന ഇടക്കുന്നം സ്വദേശിനി(15)
36. ആലുവയില്‍ സ്വകാര്യ ധനകാര്യസ്ഥാപനത്തിലെ ജീവനക്കാരിയായ കങ്ങഴ കാനം സ്വദേശിനി(15). സമ്പര്‍ക്കപശ്ചാത്തലം വ്യക്തമല്ല.
37. ജൂലൈ 18ന് രോഗം സ്ഥിരീകരിച്ച കുട്ടിയുടെ സമ്പര്‍ക്കപട്ടികയിലുണ്ടായിരുന്ന തോട്ടയ്ക്കാട് സ്വദേശി(79)
38. നേരത്തെ രോഗം സ്ഥിരീകരിച്ച യുവതിയുടെ സമ്പര്‍ക്ക പട്ടികയിലുണ്ടായിരുന്ന മാടപ്പള്ളി സ്വദേശി(84)
39. നേരത്തെ രോഗം സ്ഥിരീകരിച്ച ആരോഗ്യപ്രവര്‍ത്തകയുടെ സമ്പര്‍ക്കപട്ടികയില്‍ ഉള്‍പ്പെട്ട വൈക്കം തലയാഴം സ്വദേശിനി(35)
40. തിരുവല്ല സ്വദേശി(33)
41. വൈക്കം സ്വദേശി(54). സമ്പര്‍ക്കപശ്ചാത്തലം വ്യക്തമല്ല.
മറ്റു സംസ്ഥാനങ്ങളില്‍നിന്ന് വന്നവര്‍
42. മുംബൈയില്‍നിന്നും ജൂലൈ ആറിന് എത്തി ഹോം ക്വാറന്റൈനില്‍ കഴിഞ്ഞിരുന്ന കുറിച്ചി നീലംപേരൂര്‍ സ്വദേശി(30)
43. ചെന്നൈയില്‍നിന്നും ജൂലൈ ഏഴിന് എത്തി ഹോം ക്വാറന്റൈനില്‍ കഴിഞ്ഞിരുന്ന തൃക്കൊടിത്താനം സ്വദേശി(24)
44. ഹൈദരാബാദില്‍നിന്നും ജൂലൈ നാലിന് എത്തി ചങ്ങനാശ്ശേരി ചീരഞ്ചിറയില്‍ ഹോം ക്വാറന്റൈനില്‍ കഴിഞ്ഞിരുന്ന ആലപ്പുഴ സ്വദേശിനി(22)
45. ബംഗളൂരുവില്‍നിന്നും ജൂലൈ 15ന് എത്തി ഹോം ക്വാറന്റയിനില്‍ കഴിഞ്ഞിരുന്ന ചിറക്കടവ് സ്വദേശിനി(24)
46. ബംഗളൂരുവില്‍നിന്നും ജൂലൈ നാലിന് എത്തി ഹോം ക്വാറന്റൈനില്‍ കഴിഞ്ഞിരുന്ന മാടപ്പള്ളി തെങ്ങണ സ്വദേശി(32)
വിദേശത്തുനിന്ന് വന്നവര്‍
47. ഷാര്‍ജയില്‍നിന്നും ജൂലൈ ഒന്നിന് എത്തി ഹോം ക്വാറന്റൈനില്‍ കഴിഞ്ഞിരുന്ന കുറിച്ചി മലകുന്നം സ്വദേശി(48)
48. സൗദി അറേബ്യയില്‍നിന്നും ജൂലൈ 11ന് എത്തി ചങ്ങനാശ്ശേരിയിലെ ക്വാറന്റൈന്‍ കേന്ദ്രത്തില്‍ കഴിഞ്ഞിരുന്ന മാടപ്പള്ളി പെരുമ്പനച്ചി സ്വദേശി(64)
49. രോഗം സ്ഥിരീകരിച്ച മാടപ്പള്ളി പെരുമ്പനച്ചി സ്വദേശിയുടെ ഭാര്യ(61). ഭര്‍ത്താവിനൊപ്പം സൗദി അറേബ്യയില്‍നിന്ന് ജൂലൈ 11ന് എത്തി ക്വാറന്റൈന്‍ കേന്ദ്രത്തില്‍ കഴിയുകയായിരുന്നു.
50. ഷാര്‍ജയില്‍നിന്നും ജൂലൈ ആറിന് എത്തി ഹോം ക്വാറന്റൈനില്‍ കഴിഞ്ഞിരുന്ന തൃക്കൊടിത്താനം സ്വദേശിനി(52)
51. സൗദി അറേബ്യയില്‍നിന്നും ജൂലൈ ഒമ്പതിന് എത്തി ഹോം ക്വാറന്റൈനില്‍ കഴിഞ്ഞിരുന്ന ചങ്ങനാശ്ശേരി പടുപ്പുരയ്ക്കല്‍ സ്വദേശിനി(30)