കൊവിഡ്: എറണാകുളത്ത് ഇന്ന് ഒരാള്‍ കൂടി മരിച്ചു
കൊവിഡ് പൊസിറ്റീവായി എറണാകുളം കളമശേരി മെഡിക്കല്‍ കോളജില്‍ ചികില്‍സയിലായിരുന്ന സൗത്ത് അടുവാശ്ശേരി പെരിയപറമ്പില്‍ അഹമ്മദുണ്ണി (65)യാണ് ഇന്ന് മരിച്ചത്
കൊച്ചി: കൊവിഡ് ബാധിച്ച് എറണാകുളത്ത് ചികില്‍സയിലായിരുന്ന ഒരാള്‍ കൂടി മരിച്ചു.കൊവിഡ് പൊസിറ്റീവായി എറണാകുളം കളമശേരി മെഡിക്കല്‍ കോളജില്‍ ചികില്‍സയിലായിരുന്ന സൗത്ത് അടുവാശ്ശേരി പെരിയപറമ്പില്‍ അഹമ്മദുണ്ണി (65)യാണ് ഇന്ന് മരിച്ചത്.മരണം കോവിഡ് മൂലമാണെന്ന് സ്ഥിരീകരിക്കുന്നതിനായി ഇദ്ദേഹത്തിന്റെ സ്രവം ആലപ്പുഴ എന്‍ ഐ വി ലാബിലേക്കയച്ചതായി ആശുപത്രി അധികൃതര്‍ അറിയിച്ചു.
കടുത്ത ശ്വാസകോശ രോഗിയായിരുന്ന അഹമ്മദുണ്ണിയെമാഞ്ഞാലിയിലെ സ്വകാര്യ ആശുപത്രിയില്‍ നിന്നുമാണ്മെഡിക്കല്‍ കോളജിലെത്തിച്ചതെന്നും അധികൃതര്‍ അറിയിച്ചു. കൊവിഡ് ബാധിച്ചുള്ള മരണവും രോഗികളുടെ എണ്ണവും എറണാകുളത്ത് അനുദിനം ഉയരുകയാണ്.