കൊവിഡ് പ്രതിരോധം: എറണാകുളത്ത് പ്രത്യേക വാക്‌സിനേഷന്‍ ക്യാംപയിന്‍

കൊച്ചി: കൊവിഡ് രോഗപ്രതിരോധ നടപടികളുടെ ഭാഗമായി ഈ മാസം 15 മുതല്‍ 30 വരെ എറണാകുളം ജില്ലയില്‍ പ്രത്യേക കൊവിഡ് വാക്‌സിനേഷന്‍ ക്യാംപയിന്‍ നടപ്പിലാക്കും. 18 വയസ്സിന് മുകളില്‍ പ്രായമുള്ളവരില്‍ രണ്ടാം ഡോസ് വാക്‌സിന്‍ വിതരണം പൂര്‍ത്തിയാക്കുന്നത് ലക്ഷ്യമിട്ടാണ് പദ്ധതി.

ഈ മാസം 18, 19, 20 തീയതികളില്‍ 75 ശതമാനത്തില്‍ താഴെ വാക്‌സിനേഷന്‍ നിരക്കുളള തദ്ദേശ സ്വയംഭരണ സ്ഥാപനങ്ങള്‍ കേന്ദ്രീകരിച്ച് പ്രത്യേക വാക്‌സിനേഷന്‍ ക്യാംപുകള്‍ സംഘടിപ്പിക്കും. നിലവില്‍ ജില്ലയില്‍ 18 വയസ്സിന് മുകളില്‍ പ്രായമുള്ള 82 ശതമാനം പേര്‍ക്കും കൊവിഡ് പ്രതിരോധ കുത്തിവെപ്പ് പൂര്‍ത്തിയാക്കിയിട്ടുണ്ടെന്ന് അധികൃതര്‍ അറിയിച്ചു.