ദുരിതാശ്വാസ ക്യാമ്പുകളില്‍ കുടിവെള്ളം മുടങ്ങില്ലെന്ന് സര്‍ക്കാര്‍, പരാതിക്കാര്‍ക്ക് വിളിക്കാം

തിരുവനന്തപുരം: സംസ്ഥാനത്തൊട്ടെകെ ആരംഭിച്ചിട്ടുള്ള ആയിരത്തി നാന്നൂറോളം ദുരുതാശ്വാസ ക്യാമ്പുകളില്‍ മുടങ്ങാതെ കുടിവെള്ളം ലഭ്യമാക്കുന്നതിന് സര്‍ക്കാര്‍ നടപടി സ്വീകരിച്ചിട്ടുണ്ട്. ജലഅതോറിട്ടി മുഖേനെ എല്ലാ ക്യാമ്പുകളിലും ഗുണനിലവാരം പരിശോധിച്ച് ഉറപ്പാക്കിയ കുടിവെള്ളം ടാങ്കറുകളില്‍ എത്തിക്കുന്നുണ്ട്.

പല സ്ഥലങ്ങളിലും കുടിവെള്ളം ലഭ്യമാകുന്നില്ല എന്ന പരാതികള്‍ സോഷ്യല്‍ മീഡിയയില്‍ കാണുന്നുണ്ട്. ഇത്തരം പരാതികള്‍ പരിശോധിക്കാനും കഴമ്പുണ്ടെന്നുകണ്ടാല്‍ ഉടനടി പരിഹരിക്കാനും ബന്ധപ്പെട്ടവര്‍ക്ക് നിര്‍ദ്ദേശം നല്‍കിയിട്ടുണ്ട്. ജില്ലാ ദുരന്തനിവാരണ സമിതി ചെയര്‍മാന്‍മാരായ ജില്ലാ കളക്ടര്‍മാരുടെ നിര്‍ദ്ദേശപ്രകാരമാണ് ആവശ്യമായ ജലം നിലവില്‍ ജലഅതോറിട്ടി നല്‍കുന്നത്.

പ്രളയബാധിത പ്രദേശങ്ങളിലും ക്യാമ്പുകളിലും കുടിവെള്ളം ആവശ്യത്തിന് അനുസരിച്ച് ലഭ്യമാക്കാന്‍ ജലഅതോറിട്ടി സജ്ജമാണ്. ഇതിനായി വെള്ളയമ്പലത്തെ വാട്ടര്‍ അതോറിറ്റി ആസ്ഥാനത്തും എല്ലാ സര്‍ക്കിള്‍ ഓഫിസുകളിലും കണ്‍ട്രോള്‍ റൂമുകള്‍ പ്രവര്‍ത്തിക്കുന്നുണ്ട്. ഇത്തവണത്തെ വെള്ളപ്പൊക്കത്തില്‍ ജലഅതോറിട്ടിയുടെ 200ല്‍ പരം കുടിവെള്ള വിതരണപദ്ധതികളാണ് തകരാറിലായത്. ഈ പരിമിതിക്കിടയിലും എല്ലായിടത്തും ശുദ്ധമായ കുടിവെള്ളം മറ്റ് മാര്‍ഗങ്ങളിലൂടെ ലഭ്യമാക്കുന്നതിന് എല്ലാ സംവിധാനവും ഒരുക്കിയിട്ടുണ്ട്.

പരാതികള്‍

9495998258

എന്ന നമ്പരില്‍ വാട്സാപ്പ് ആയും അയയ്ക്കാം.

കണ്‍ട്രോള്‍ റൂം

ജലഅതോറിട്ടി ആസ്ഥാനം - 9188127951.

തിരുവനന്തപുരം - 0471 2322674, 8547638456

കൊല്ലം - 0474 2742993, 8547638067

പത്തനംതിട്ട - 04692600162, 8281597974

ആലപ്പുഴ - 04772237954, 8547638475

കോട്ടയം - 9188127940, 8547638035

കൊച്ചി - 0484 2361369, 8547638075

മൂവാറ്റുപുഴ - 0485 2832252, 8547638452

തൃശൂര്‍ - 0487 2423230, 8547638070

മലപ്പുറം - 0483 2734857, 8547638424

പാലക്കാട് - 0491 2544927, 8547638063

കോഴിക്കോട് - 0495 2370095, 8547638055

കണ്ണൂര്‍ - 0497 2705902, 8547638038

ഒരുകാര്യം ഓര്‍ക്കുക: പ്രളയമേഖലകളില്‍ കുടിവെള്ളം തിളപ്പിച്ചുമാത്രം ഉപയോഗിക്കാനും പാഴാക്കാതെ ഉപയോഗം പരമിതപ്പെടുത്താനും എല്ലാവരും ശ്രദ്ധിക്കണം.