ചൂട് ഉയരുന്നു; ഡ്രൈവിങ് ടെസ്റ്റുകളുടെ സമയക്രമത്തില്‍ മാറ്റം
രാവിലെ 11 മണി മുതല്‍ വൈകീട്ട് മൂന്ന് മണിവരെ സംസ്ഥാനത്ത് ഡ്രൈവിങ് ടെസ്റ്റ് നടത്തുന്നതാണ് നിര്‍ത്തി വച്ചിരിക്കുന്നത്.
തിരുവനന്തപുരം: സംസ്ഥാനത്തെ ഉയര്‍ന്ന ചൂടിന്റെ പശ്ചാത്തലത്തില്‍ ഡ്രൈവിങ് ടെസ്റ്റുകളുടെ സമയക്രമത്തില്‍ മാറ്റം. ഉഷ്ണതരംഗ മുന്നറിയിപ്പിനെ തുടര്‍ന്നാണ് ഈ മാറ്റം. രാവിലെ 11 മണി മുതല്‍ വൈകീട്ട് മൂന്ന് മണിവരെ സംസ്ഥാനത്ത് ഡ്രൈവിങ് ടെസ്റ്റ് നടത്തുന്നതാണ് നിര്‍ത്തി വച്ചിരിക്കുന്നത്. ഗതാഗത മന്ത്രി എ കെ ശശീന്ദ്രനാണ് ഇത് സംബന്ധിച്ച നിര്‍ദേശം മുന്നോട്ടുവച്ചത്.
രാവിലെ ഏഴ് മണിയ്ക്കാണ് ഡ്രൈവിങ് ടെസ്റ്റുകള്‍ ആരംഭിക്കുക. 11 മണിക്ക് മുമ്പ് തന്നെ പരാമവധി ടെസ്റ്റുകള്‍ പൂര്‍ത്തിയാക്കണമെന്നാണ് നിര്‍ദേശം. ബാക്കി വരുന്നവ വൈകീട്ട് മൂന്ന് മണിയ്ക്ക് ശേഷമേ നടത്താവൂ.