യുവാവിനെ തട്ടിക്കൊണ്ടു പോയി മോചനദ്രവ്യം ആവശ്യപെട്ട് മര്‍ദ്ദനം: രണ്ടു പേര്‍ അറസ്റ്റില്‍
പള്ളിപ്പുറം ചെറായി സ്വദേശി ഡാനിയേല്‍ ആന്റണി (ഡാനി 27), എടവനക്കാട് സ്വദേശി സരുണ്‍ (കുക്കു 28) എന്നിവരെയാണ് മുനമ്പം പോലിസ് അറസ്റ്റ് ചെയ്തത്
കൊച്ചി: യുവാവിനെ തട്ടികൊണ്ടു പോയി മോചനദ്രവ്യം ആവശ്യപെട്ട് മര്‍ദ്ദിച്ച കേസില്‍ രണ്ട് പേര്‍ അറസ്റ്റില്‍. പള്ളിപ്പുറം ചെറായി സ്വദേശി ഡാനിയേല്‍ ആന്റണി (ഡാനി 27),എടവനക്കാട് സ്വദേശി സരുണ്‍ (കുക്കു 28) എന്നിവരെയാണ് മുനമ്പം പോലിസ് അറസ്റ്റ് ചെയ്തത്.
കഴിഞ്ഞ 16 നാണ് സംഭവം.സൈജു എന്‍ തങ്കച്ചന്‍ എന്നായാളെ കുഴുപ്പിള്ളിയിലെ വീട്ടില്‍ നിന്നു. തട്ടികൊണ്ടു പോകുകയും,10 ലക്ഷം രൂപ മോചനദ്രവ്യം ആവശ്യപെട്ട് തടവില്‍ പാര്‍പ്പിക്കുകമായിരുന്നുവെന്ന് പോലിസ് പറഞ്ഞു.
കൂടുതല്‍ പ്രതികള്‍ക്കായി അന്വേഷണം വ്യാപിപ്പിച്ചതായും പോലിസ് വ്യക്തമാക്കി. ഇന്‍സ്‌പെക്ടര്‍ എ എല്‍ യേശുദാസ്, എസ് ഐമാരായ കെ ശ്യംകുമാര്‍, രാജീവ്, സി പി ഒ കെ.പി.അഭിലാഷ് എന്നിവരാണ് അന്വേഷണ സംഘത്തില്‍ ഉള്ളത്.