കരിപ്പൂര്‍ ദുരന്തം: രക്ഷാപ്രവര്‍ത്തനത്തില്‍ പങ്കെടുത്തവര്‍ സ്വയം നിരീക്ഷണത്തില്‍ പോവണം
കോഴിക്കോട്: കരിപ്പൂര്‍ വിമാനദുരന്തവുമായി ബന്ധപ്പെട്ട് രക്ഷാപ്രവര്‍ത്തനത്തില്‍ പങ്കെടുത്തവര്‍ കൊവിഡ് സാഹചര്യത്തില്‍ സ്വയം നിരീക്ഷണത്തില്‍ നില്‍ക്കണമെന്ന് കോഴിക്കോട് ജില്ലാ മെഡിക്കല്‍ ഓഫിസര്‍ അറിയിച്ചു. എന്തെങ്കിലും സംശയങ്ങളുണ്ടെങ്കില്‍ ജില്ലാ മെഡിക്കല്‍ ഓഫിസിലെ കണ്‍ട്രോള്‍ സെല്ലുമായി ബന്ധപ്പെടണം.
കണ്‍ട്രോള്‍ സെല്‍ നമ്പറുകള്‍: 0483-2733251, 3252,3253, 2737857. കരിപ്പൂരിലെ വിമാനാപകടത്തില്‍ മരിച്ച ഒരു യാത്രക്കാരന്റെ കൊവിഡ് പരിശോധനാഫലം പോസിറ്റീവാണെന്ന് മന്ത്രി കെ ടി ജലീല്‍ അറിയിച്ചു. ചികില്‍സയിലുള്ള ഒരു യാത്രക്കാരന്റെ ഫലവും പോസിറ്റീണെന്ന വിവരങ്ങള്‍ പുറത്തുവരുന്നുണ്ട്.