മലപ്പുറം : ഭരണകൂടവും ഭരണകൂട സംവിധാനങ്ങളും വിവേചനങ്ങള്‍ നടത്തുമ്പോള്‍ അതിനെ തുറന്ന് പറയുക എന്നത് രാഷ്ട്രീയ പ്രവര്‍ത്തനമാണെന്നും അത് ആത്മാഭിമാനത്തിന്റെ രാഷ്ട്രീയ മുദ്രാവാക്യമാണെന്നും സോളിഡാരിറ്റി സംസ്ഥാന സെക്രട്ടറി ജുമൈല്‍ പി.പി പറഞ്ഞു.
സോളിഡാരിറ്റി മലപ്പുറം ജില്ലാ കമ്മിറ്റി റാസിഖ് റഹീമിനായി സംഘടിപ്പിച്ച സ്വീകരണ പരിപാടിയിലാണ് പറഞ്ഞത്. പാനായികുളം സിമി കേസില്‍ ഹൈകോടതിയും സുപ്രിം കോടതിയും നിരപരാധിയായി പ്രഖ്യാപിച്ച റാസിഖ് റഹീമിനെ സോളിസാരിറ്റി മലപ്പുറം ജില്ലാ കമ്മിറ്റി സ്വീകരിച്ചു. സ്വീകരണ പരിപാടിയില്‍ ഭരണകൂടവും മാധ്യമങ്ങളും നടത്തിയ ഇടപെടലുകളും അദ്ദേഹത്തിന്റെ ജയിലനുഭങ്ങളും റാസിഖ് റഹീം പങ്കുവെച്ചു.
മലപ്പുറം മലബാര്‍ ഹൗസില്‍ നടന്ന പരിപാടിയില്‍ സോളിഡാരിറ്റി ജില്ലാ പ്രസിഡന്റ് അബ്ദുല്‍ ബാസിത് പി.പി മലപ്പുറം, സെക്രട്ടറി അജ്മല്‍ കോഡൂര്‍ , വൈസ് പ്രസിഡന്റ് അജ്മല്‍ കെ.പി എന്നിവര്‍ സംസാരിച്ചു.