മയക്കുമരുന്നുമായി മൂന്ന് യുവാക്കള്‍ പിടിയില്‍
മാനന്തവാടി പേരിയ വാഴ്പ് മേപ്പുറത്ത് വിപിന്‍ (26), കാപ്പാട്ടുമല തലക്കോട്ടില്‍ വൈശാഖ് (29), തരുവണ കുന്നുമ്മല്‍ കെ പി ഷംനാസ് (26) എന്നിവരാണ് അറസ്റ്റിലായത്.
കല്‍പറ്റ: മയക്കുമരുന്നുമായി മൂന്ന് യുവാക്കള്‍ പിടിയില്‍.തലപ്പുഴ എസ്‌ഐ രാംകുമാറും സംഘവും പേരിയ 38 ഭാഗത്ത് നടത്തിയ വാഹന പരിശോധനക്കിടെയാണ് മാരക മയക്കുമരുന്നായ എംഡിഎംഎയുമായി സംഘം പിടിയില്‍. മാനന്തവാടി പേരിയ വാഴ്പ് മേപ്പുറത്ത് വിപിന്‍ (26), കാപ്പാട്ടുമല തലക്കോട്ടില്‍ വൈശാഖ് (29), തരുവണ കുന്നുമ്മല്‍ കെ പി ഷംനാസ് (26) എന്നിവരാണ് അറസ്റ്റിലായത്.
ഇവരില്‍ നിന്നും 0.94 ഗ്രാം മയക്കുമരുന്നാണ് പിടിച്ചത്. ഇവര്‍ സഞ്ചരിച്ച കെഎല്‍ 13 എഡി 2225 ആള്‍ട്ടോ കാറും കസ്റ്റഡിയിലെടുത്തിട്ടുണ്ട്. എഎസ്‌ഐ അനില്‍കുമാര്‍, എസ്‌സിപിഒമാരായ സനില്‍, രാജേഷ്, സിജോ, സി.പി.ഒ മാരായ സനൂപ്, സിജോ, ലിജോ എന്നിവരും പോലീസ് സംഘത്തിലുണ്ടായിരുന്നു.