ദുബയ്: ടേസ്റ്റി ഫുഡ് നടത്തിയ ടേസ്റ്റ് ആന്റ് ഡ്രൈവ് വിത്ത് ടേസ്റ്റി ഫുഡ് പ്രമോഷന്റെ ഭാഗമായുള്ള നറുക്കെടുപ്പില്‍ മലയാളി ഓഫീസ് ജീവനക്കാരന് 20 ലക്ഷം രൂപ വിലയുള്ള മിത്സുബിഷി മൊണ്ടേറോ കാര്‍ സമ്മാനമായി ലഭിച്ചു. വിജയിയായ ഹംസക്ക് അല്‍ സായി ഗ്രൂപ്പ് എംഡി മജീദ് പുല്ലഞ്ചേരി കാര്‍ സമ്മാനിച്ചു. 25 വര്‍ഷമായി പ്രവര്‍ത്തിക്കുന്ന ടേസ്റ്റി ഫുഡ് ബ്രാന്‍ഡ് ആദ്യമായാണ് ഇത്തരം പ്രമോഷന്‍ സംഘടിപ്പിക്കുന്നത്. രണ്ടാം സമ്മാനമാി 10 പേര്‍ക്ക് എല്‍ഇഡി ടെലിവിഷനും മൂന്നാം സമ്മാനമായി 5 പേര്‍ക്ക് ഫുഡ് പ്രോസസ്സറും 25 പേര്‍ക്ക് സ്വര്‍ണ്ണ നാണയങ്ങളും സമ്മാനമായി ലഭിച്ചു. ചടങ്ങില്‍ അല്‍ സായി ഗ്രൂപ്പ് സിഇഒ ഷാജി ബലമ്പത്ത്, വ്യവസായികളായ അബ്ദുല്ല പൊയില്‍, അന്‍വര്‍ അമീന്‍, ഷമീം മെഹ്മൂദ്, നാസര്‍, സിദ്ദീഖ്, അല്‍ സായി ഗ്രൂപ്പ് ജീവനക്കാരും പങ്കെടുത്തു.